Guðbjörn með sparnaðarráð fyrir ríkið: „Kaupa einbýlishús fyrir hverja fjölskyldu á Seyðisfirði“

Guðbjörn Guð­björns­son, yfir­toll­vörður og óperu­söngv­ari, veltir því fyrir sér á Facebook hvort íslenska ríkið gæti ekki sparað nokkra millj­arða með því að kaupa ein­býl­is­hús í Garða­bænum á 200 millj­ónir fyrir hverja fjöl­skyldu sem nú býr á Seyð­is­firði í stað þess að byggja Fjarða­göng.

Guðbjörn telur nokkuð öruggt að það yrði ódýr­ara í fram­kvæmd. „Nú eigum við að borga fyrir að fara í gegnum jarð­göng, sem við skatt­greið­endur höfum fyrir löngu greitt upp í topp og jafn­vel betur en það, sbr. Hval­fjarð­ar­göng. Þessi snilld er sótt á Føroya løgt­ing,“ segir Guðbjörn.

„Fjarða­göng verða lengstu og dýr­ustu jarð­göng í sög­unni og munu kosta 47 millj­arða (fyrsta ágiskun) og spyr sá sem ekk­ert veit, hvort ekki sé ódýr­ara að kaupa ein­býl­is­hús í Garða­bænum á 200 millj­ónir til að koma hverri 3 manna fjöl­skyldu á Seyð­is­firði í hús­næði, sem er þá einnig öruggt fyrir urðar- eða leir­skriðum.“

Hann segir ofan á þetta mætti svo borga öllum sem heim­sækja Seyð­is­fjörð. „Ferjan gæti bara fara til Þor­láks­hafnar og setja mætti upp skýli við Vest­ur­veg­inn (nr. 93) við Far­daga­foss, þar sem allir fengju 5.000 kr. fyrir að heim­sækja Seyð­is­fjörð. Allir myndu stór­græða og grilla á kvöldin.“