Formaður Verkalýðsfélags Grindavíkur ætlar að treysta því að loforð haldi: „Við þekkjum þessa sögu“

Um það bil 200 starfs­menn útgerð­ar­innar Vísis eru félags­menn í Verka­lýðs­fé­lagi Grinda­víkur, sam­kvæmt for­manni félags­ins. Í ljósi frétta af yfir­vof­andi kaupum Síld­ar­vinnsl­unnar á Vísi seg­ist hann vilja vera bjart­sýnn og treystir því að Vísir verði áfram í Grinda­vík, enda sé bær­inn bæði vel stað­settur og vinnslan afar vel búin tækni­lega. Hann seg­ist þó muna Gugguna á Ísafirði og lof­orðin sem þar voru sett fram á sínum tíma.

Hörður Guð­brands­son, for­maður Verka­lýðs­fé­lags Grinda­víkur segir að flestir þeirra félags­manna sem starfi hjá Vísi vinni í fisk­vinnsl­unni. Aðspurður hvort vænt­an­leg kaup Síld­ar­vinnsl­unnar á Vísi veki áhyggjur hjá verka­lýðs­fé­lag­inu fyrir hönd félags­manna segir hann félagið ætla að treysta því að yfir­lýs­ingar um að útgerðin og vinnslan verði áfram í Grinda­vík stand­ist.

„Fyrir utan að þeir átti sig á því hvað það er mik­ill mannauður í fyr­ir­tæk­inu í Grinda­vík. Það er nátt­úru­lega búið að vera að tækni­væða það mjög mikið. Það, plús stað­setn­ingin, tel ég nú að sé til þess að meiri líkur en minni séu á því að þetta muni ekki vera til hins verra. Frekar að það verði upp­bygg­ing áfram,“ segir Hörður.

Hörður seg­ist því treysta því að fyr­ir­komu­lagið verði áfram óbreytt eða breyt­ist til hins betra. „Pétur hafði sam­band við okkur og bauð okkur á fund til þess að fara betur yfir þetta. Ég er reyndar í sum­ar­fríi en við ætlum að reyna að hitt­ast þegar við náum báðir saman.“ Pétur Haf­steinn Pálsson er fram­kvæmda­stjóri og einn eig­enda Vísis, sem ráð­gert er að muni halda áfram sem fram­kvæmda­stjóri fyr­ir­tæk­is­ins undir nýjum eig­endum.

Hörður segir sam­tal því eiga sér stað um hina nýju stöðu á öllum póstum. „Þess vegna held ég að við verðum bara að treysta því að þetta gangi allt eftir. En auð­vitað hefur maður séð alls konar í gegnum árin. Við þekkjum þessa sögu: Guggan er gul og verður gerð út frá Ísafirði. Það eru nokkrar svo­leiðis.“

Enn hafa ekki margir félags­menn Verka­lýðs­fé­lags Grinda­víkur, sem starfa hjá Vísi, haft sam­band við félagið í tengslum við málið. „Nei, ekki mikið. Ég hef heyrt í einum eða tveimur en mér heyr­ist fólk ekk­ert vera sér­stak­lega áhyggju­fullt, þannig. Það treystir því bara að þetta standi.“

Hörður nefnir kost­ina við stað­setn­ingu Vísis í Grinda­vík. „Við erum nátt­úru­lega rosa­lega vel stað­sett; stutt í flug­völl­inn og stutt í útflutn­ing frá Þor­láks­höfn. Plús það að vænt­an­lega verður ein­hver upp­bygg­ing í fisk­eldi á svæð­inu líka. Þannig að þetta styður við stað­setn­ing­una. Þess vegna erum við kannski ekk­ert voða­lega óró­leg. Svo er búið að tækni­væða mjög mikið og mikil þekk­ing í starfs­fólk­inu í Grinda­vík.“