Svandís vill ekki tjá sig fyrr en Samkeppniseftirlitið hefur lokið skoðun

Áhyggju- og gagn­rýn­is­raddir heyr­ast víða í sam­fé­lag­inu vegna fyr­ir­hug­aðra kaupa Síld­ar­vinnsl­unnar á útgerð­inni Vísi. For­sæt­is­ráð­herra hefur lýst yfir áhyggjum af sam­þjöppun í sjáv­ar­út­vegi en mat­væla­ráð­herra, sem sjáv­ar­út­vegs­mál heyra undir, telur ekki tíma­bært að tjá sig um málið fyrr en Sam­keppn­is­eft­ir­litið lýkur skoðun sinni.

Talsvert hefur verið fjallað um yfir­vof­andi kaup Síld­ar­vinnsl­unnar á útgerð­inni Vísi í Grinda­vík í vik­unni. Samherji á ráð­andi hlut í Síld­ar­vinnsl­unni og ef við­skiptin ganga eftir munu fisk­veiði­heim­ildir félaga með tengsl við Samherja nema meira en 25 pró­sentum af heild­ar­kvót­anum.

Ýmsir hafa lýst yfir áhyggjum af kaup­unum, ýmist vegna auk­innar sam­þjöpp­unar í sjáv­ar­út­vegi eða í tengslum við tor­tryggni í garð þeirrar yfir­lýs­ingar að starf­semin muni áfram vera í Grinda­vík og ekki fara úr byggð­ar­lag­inu.

Katrín Jak­obs­dóttir, for­sæt­is­ráð­herra, tjáði sig um málið í vik­unni og lýsti yfir áhyggjum sínum af því að sam­þjöppun í sjáv­ar­út­vegi yrði of mikil eftir kaup Síld­ar­vinnsl­unnar á Vísi. Hún sagð­ist hafa þá skoðun að það þyrfti að end­ur­skoða reglu­verkið, bæði varð­andi kvóta­þak og tengda eig­endur. Fyr­ir­tækið mun ekki fara yfir lög­legt kvóta­þak eftir sam­ein­ing­una, þar sem Samherji telst ekki tengdur aðili. Til þess að útgerðir telj­ist tengdar þurfa þær eða eig­endur þeirra að eiga meira en helm­ings­hlut hvor í annarri. Samherji á ráð­andi hlut í Síld­ar­vinnsl­unni, 32,64 pró­sent.

Katrín sagð­ist einnig hafa áhyggjur af áhrifum á byggð­ar­lögin í land­inu. Hún nefndi sömu­leiðis til­flutn­ing auðs sem ætti sér stað í kringum við­skipti af þessu tagi. Katrín sagði það vekja spurn­ingar um gjald­töku og bætti því við að um væri að ræða eitt þeirra atriða sem til skoð­unar væru hjá mat­væla­ráð­herra, Svandísi Svav­ars­dóttur.

Bjarni Bene­dikts­son, fjár­mála­ráð­herra, virð­ist ekki á sömu skoðun og for­sæt­is­ráð­herra. Hann sagð­ist ekki sjá ástæðu til þess að hafa áhyggjur af kaupum og sölu Vísis.

Aðilar að við­skipt­unum bíða nú eftir sam­þykki Sam­keppn­is­eft­ir­lits­ins, sem er með þau til skoð­unar.

Blaða­maður Mannlífs hafði sam­band við Svandísi Svav­ars­dóttur, mat­væla­ráð­herra, vegna máls­ins. Af skrif­legu svari frá upp­lýs­inga­full­trúa mat­væla­ráðu­neyt­is­ins að dæma telur Svandís ekki tíma­bært að tjá sig um við­skiptin.

„Ráðherra telur eðli­legt að Sam­keppn­is­eft­ir­litið skoði málið í heild sinni áður en hún tjáir sig,“ segir í svar­inu. Þar kemur einnig fram að alls­herjar end­ur­skoðun á fisk­veiði­stjórn­un­ar­kerf­inu sé nú í gangi.

„Þegar er farin af stað vinna við að rýna fisk­veiði­stjórn­un­ar­kerfið og undir í þeirri vinnu er alls­herjar end­ur­skoðun á kerf­inu – t.d. eigna­tengsl, gagn­sæji, sam­þjöppun, byggða­kvótar og strand­veiðar.“