Bubbi segist fórnarlamb netofbeldis: „Drullað yfir mig, kallaður nöfnunum, fyrir hvað?“

Bubbi Morthens seg­ist þol­andi netof­beldis á Twitter. Í fyrra­dag sagði hann að „auð­veldasta leiðin til að beita aðra ofbeldi væri á Twitter.“ Bubbi segir við­brögð net­verja við þeirri færslu stað­festa það.

Óhætt er að segja að færslan hafi vakið sterk við­brögð meðal Íslend­inga á Twitter. Lang­flestir brugð­ust illa við og hjól­uðu í Bubba. Ein kona sagði Bubba til að mynda „ger­enda­með­virkan rudda sem kemst áfram á fake ein­lægni, gam­alli frægð og feðra­veld­inu.“ Hildur Lilli­endahl deildi færslu Bubba og skrif­aði: „Gaurar elska að tjá sig“.

Bubbi hefur fram að þessu ekki svarað slíkum skotum. Fyrr í dag svar­aði hann þó grunn­skóla­kenn­ar­anum Heiðari Rík­harðs­syni. Heiðar hafði ávarpað Bubba og sagt: „Geturðu komið þessum upp­lýs­ingum til byrlara, yfir­manna sem nýta sér valda­stöðu, eldri gaura sem plata grunn- og fram­halds­skóla­stelpur í heim­sókn, ríkra sem níð­ast á fátækum og bara allra sem þegar telja sig hafa fundið auð­veld­ustu leið­ina.“

Bubbi segir að hann hafi ein­ungis bent á að ofbeld­is­menn­ing þrí­fist á Twitter. „Ofbeldi er alls staðar á net­inu. Twitter er aðal stað­ur­inn. Þú getur sjálf komið þessu til leiðar, ég er að gera það með því að benda á þetta og hvað ger­ist? Ég verð fyrir netof­beldi, ertu ekki að grín­ast, drullað yfir mig, kall­aður nöf­unum, fyrir hvað? Benda á stað­reynd,“ segir Bubbi.

Heiðar svarar honum svo: „Leitt að þú sért kall­aður nöfnum. Ég hef unnið gegn ofbeldi með fyr­ir­lestrum, grunn­skóla­val­grein byggðri á Fávitum Sól­borgar og fleira en plat­form mitt er smátt. Já, Twitter er illt. Nei, TikTok, snap og fleiri eru verri af því að þar eru börn tar­getuð. Alhæfing þín er röng.“