Sigga fagnar stórafmælinu á Spáni: „Það vill svo til að við erum sex af sjö systkinum hér úti“

Afmæl­is­barn dags­ins á stóraf­mæli í dag. Um er að ræða enga aðra en popp­drottn­ingu Íslands, Siggu Bein­teins! Sigga fagnar í dag sex­tugs afmæli sínu.

Á síð­unni Glatkistan.is segir að Sigga hafi fyrst vakið „athygli fyrir söng­hæfi­leika sína með HLH flokknum og með hljóm­sveit­inni Kikk en varð með tím­anum ein af ást­sæl­ustu söng­konum lands­ins, einkum í kjöl­far þess að hún tók þátt fyrir hönd Íslands í Eurovision keppn­inni 1990 ásamt þáver­andi hljóm­sveit sinni, Stjórn­inni, og lenti í fjórða sæti. Sigga hefur gefið út nokkrar sóló- og safn­plötur, og starfað með flestum af stærstu tón­list­ar­mönnum lands­ins bæði á plötum og á sviði.“

Mannlíf heyrði í afmæl­is­barn­inu í til­efni dags­ins og spurði hana hvort hún hyggð­ist halda upp á dag­inn og þá á hvaða hátt.

„Ég er nú stödd á Spáni eins og er, í hlýj­unni. Það vill svo til að við erum sex af sjö systk­inum hér úti á sama tíma, þannig að við ætlum að halda smá teiti hjá einni systur minni sem er með hús hérna og svo ætlum við bara að fara út að borða og hafa það gaman,“ svar­aði Sigga hress í sím­anum.

En hvað er framundan hjá Siggu?

„Ég kem heim á fimmtu­dags­kvöld og þá fer ég eig­in­lega beint norður í land. Við í Stjórn­inni erum að spila á Græna hatt­inum um Versl­un­ar­manna­helg­ina og svo erum við Grétar að syngja á Sælu­dögum í Vatna­skógi. Svo er nátt­úru­lega risa vika framundan, Hinsegin dagar og Gay Pride og allt þetta en ég kem meðal ann­ars fram á opn­un­ar­há­tíð­inni og svo er Stjórnin að spila á ball­inu sjálfu.“

Mannlíf óskar Siggu inni­lega til ham­ingju með stóraf­mælið!