Sjónvarpsviðtal á Akureyri varð skyndilega pínlega persónulegt – Trúnaðarsamtal sýnt fyrir mistök

Birna Pét­urs­dóttir lenti í pín­legu atviki er hún var í við­tali í Kvöld­spjall­inu hjá Rakel Hin­riks­dóttur á sjón­varps­stöð­inni N4 í gær. Per­sónu­legt spjall við­mæl­and­ans og stjórn­and­ans fór í loftið án þess að þær vissu. Viðtalið gekk framan af snurðu­laust en svo kom babb í bát­inn.

Í hléi hélt úsend­ingin áfram þar sem kveikt var á upp­töku. Samtalið var trún­að­ar­sam­tal um per­sónu­leg mál Birnu en fyrir mis­tök var enn kveikt á upp­töku. Viðtalið sýnt án þess að trún­að­ar­sam­talið væri klippt út. „Þetta eru bara mann­leg mis­tök,“ segir Birna í svari til Mannlífs. Þátt­ur­inn var tek­inn úr sýn­ingu í morgun og verður vænt­an­lega end­ur­birtur þegar klippt hefur verið úr honum.

„Ég ætla ekki að erfa þetta við neinn en finnst þetta auð­vitað leitt og vona að N4 vandi betur til verka í fram­tíð­inni því svona á ekki að ger­ast,“ segir Birna.

Birna, sem var valin leik­kona árs­ins í auka­hlut­verki á Grímunni árið 2021, hefur getið sér afar gott orð á leik­sviði Leik­fé­lags Akur­eyrar en í vetur er hún með sýn­ingu í Þjóð­leik­hús­kjall­ar­anum í haust en gam­an­leik­ritið, Full­orðin samdi hún ásamt Árna Bein­teini og Vil­hjálmi Braga­syni.