Bókin Rauðu augun, hrollvekja ætluð börnum, er fordæmd á Twitter en þar segist móðir nokkur að henni flökti við að lesa bókina. Barn hennar kom með bókina heim og kærir hún sig ekki um að það sé að lesa svo klámfengin texta að það jaðri við barnaklám.
Hún birtir myndir af texta bókarinnar en þar má lesa aðdraganda samfara á milli 16 ára stráks og 13 ára stúlku. Stúlkan segir meðal annars: „Er ég kannski ekki nógu stór, eða hvað? Það er búið að ferma mig. Ég er þroskuð. Ég er úr Reykjavík. Ég kann þetta.“
Á næstu blaðsíðu er því svo lýst hvernig strákurinn, Baldur, afklæddi stúlkuna, Sirrí, upp í rúmi: „Og Baldur lét sig vaða yfir rúmið langsum og náði í hælana á litlu buddunni sinni. Hann beit sakleysislega í hana og brosti þegar hún hló. Svo dró hann sig ofar, ofar, ofar, og byrjaði að krækja af henni eitt og annað, alveg þar til hann gat stoltur sleppt takinu af buxnaskálminni. Þá var bara eftir að losa hana við brók og bol.“
Móðirnn skrifar á Twitter: Barnið kom heim með bókina rauðu augun og mér hálf flöktar að fletta í gegnum þetta nb strákarnir í bókinni eru að virðist 16+“. Margir eru sammála henni og skrifar einn til dæmis: „13 ára með 16+ gaurum – hvað er eiginlega að – hörmuleg samskipti og “náði í hælana á litlu buddunni sinni”“
Urður nokkur segir svo: „Ég elskaði þessa bók þegar ég var yngri… oj gerði mér ekki grein fyrir að hún væri svona ógeðsleg.“ Helga nokkur er svo kjarnyrt og segir einfaldlega: „ojjjjj“.
Einn bendir svo á þetta sé enn verra í ljósi þess að höfundar, Helgi Jónsson og Hörður Helgason, eru feðgar. Þegar bókin var skrifuð var Hörður 14 ára og Helgi grunnskólakennari. Sá skrifar: „Feðgar virðast hafa skrifað bókina 14/15 ára gutti og pabbinn grunnskólakennari á Ólafsfirði. Mjög vond réttlæting á kynlífi með allt of ungum stúlkum þarna á ferðinni.“
Þess má geta að þeir feðgar gáfu út aðra bók tveimur árum síðar, sú hét Sogbletturinn.
Athugasemdir