Hanna spyr Ingu Sæland: „Er vændi í ykkar huga „venjuleg viðskipti“ eða kynferðisleg misnotkun?“

Kenn­ar­inn beitti í Borg­ar­holts­skóla, Hanna Björg Vil­hjálms­dóttir, sendir for­manni Flokks fólks­ins, Ingu Sæland, spurn­ingu á Facebook-síðu sinni.

Spurn­ingin er svohljóð­andi:

„Inga Sæland – hver er þín (og flokks­ins) sýn á vændi?“

Hanna Björg segir að „nú ætla ég ekki að segja mína skoðun á dýra­níðs­mál­inu hrylli­lega eða þeim sem eru ábyrgir fyrir því, en er hugsi yfir við­brögðum for­manns Flokks fólks­ins sem segir:

Inga Sæland.

„Þetta er ekki í anda okkar. Eins og þú veist. Við höfum verið málsvari þeirra sem eiga bágt, bæði manna og mál­leys­ingja,“ segir Inga. Ég túlka þessa full­yrð­ingu sem svo að Inga og Flokkur fólks­ins styðji við þá sem höllum fæti standa gagn­vart kúg­andi afli, og hafni öllum sem ekki standa við það prinsipp.“

Og áður­nefnd spurn­ing, sem enn er ekki komið svar við:

„Nú spyr ég Inga Sæland – hver er þín (og flokks­ins) sýn á vændi? Er vændi í ykkar huga „venju­leg við­skipti“ eða kyn­ferð­is­leg mis­notkun? Er það for­svar­an­legt að þing­maður flokks­ins kaupi sér kyn­ferð­is­legan aðgang að konu, tali um hana eins og kjöt­stykki – og gorti sig af því? Þú sam­þykktir þessa hegðun þing­manns­ins og stóðst við hlið hans þegar gagn­rýni var hávær. Hvar voru þessi prinsipp þá? Eða Inga – skiptir kyn fólks máli hér? Eru konur minna virði…“

Hanna Björg vísar hér til frétta frá því í vor um meint vændis­kaup Tómasar Tóm­as­sonar, Tomma á Búllunni, sem situr á þingi fyrir Flokk fólks­ins. Tómas hefur margoft neitað því að hafa keypt sér vænd­is­þjón­ustu, en nokkuð ljóst er að Hanna Björg hefur ekki tekið svör Tómasar trú­an­leg.

Og nú er spurn­ingin sú hvort Inga muni yfir­höfuð svara spurn­ingu Hönnu Bjargar.