Hrafn þakklátur öllum sem hafa sent hlýja strauma: „Ég finn kærleikann umvefja mig“

Hrafn Jök­uls­son er í góðu skapi, þrátt fyrir grimma bar­áttu við krabba­mein. Ein afleið­ing stríðs­ins er að Hrafn getur engu kyngt. Hann deyr þó ekki ráða­laus og veltir því gosi um munn­inn, líkt og franskur fag­ur­keri. Í morgun gat hann svo kyngt einu dropa og var sá dropi sá besti sem hann hefur drukkið á ævinni.

Hrafn skrifar á Facebook:

„OPERATION MIKAEL — SKÁLD ÁSTARINNAR

Töff dans í nótt með Surtlu. Skrölti á fætur með vísu Páls Ólafs­sonar á vör­unum:

Nóttin hefur níðst á mér,

nú eru augun þrútin.

Snemma því á fætur fer,

og flýti mér í kút­inn.

Þar sem ég get ekki, því miður, kyngt neinu, læt ég með góðri lyst, duga vatn, app­el­sín, mix, fanta, kók — sem ég velti um munn­inn einsog franskur fag­ur­keri… og spýti svo.“

Hann segir að lækn­ir­inn hafi viljað senda hann á líkna­deild. „En Surtla bryður nú járn. Hvítu blóð­kornin voru í núlli en þyrp­ast nú á víg­stöðv­arnar, sýk­ing og lungna­bólga að hjaðna og hverfa og ég hef ekk­errt hitt lækn­inn sem í fyrra­dag vildi skutla mér á líkn­ar­deild.

Í dag skal fagnað og ný brögð prófuð gegn litla skrímsl­inu. Surtla hafði boðað alls­herj­ar­sigur strax í ágúst, en er lúskruð.

Munið, krakkar mínir að gef­ast aldrei, aldrei upp!

Þið sækið styrk til Skap­ar­ans og alls hins góða — og gleð­innar…“

Að lokum seg­ist hann afar þakk­látur fyrir allar kveðj­unar sem honum hefur borist. „Hvílík gleði í morgun þegar ég náði að kyngja heilum vatns­dropa — besti drykkur lífs míns!

Nú ætla ég að njóta dags­ins — takk fyrir allar ykkar ynd­is­legu kveðjur. Ég finn kær­leik­ann umvefja mig.

Lesefni dags­ins: Páll Ólafsson / Mikael Bulgakov.

Skilaboð til Surtlu: Púha! Láttu þig hverfa, herfa!

FRAM TIL SIGURS — SAMAN ERUM VIÐ STERKARI“