Hermann segir ADHD-fólk á dópi og allt varð vitlaust: „Af hverju eru svona margir að læka þetta?“

Meðal Íslend­inga á Twitter er talað um fátt annað en umdeilt tíst Hermanns nokk­urs Rún­ars­sonar í dag. Hann full­yrðir að þeir sem taka lyf við ADHD eða athygl­is­bresti og ofvirkni séu í raun að taka amfetamín, eða spítt í dag­legu tali. Margir kvarta sáran undan þessu þó sé vissu­lega rétt að flest lyf við þessum kvilla séu náskyld amfetamíni efna­fræði­lega séð.

Hermann skrifar: „ADHD fólk að taka lyf og halda að það sé að upp­lifa sig loks­ins fók­usað og orku­mikið eins og ‘normal’ fólk. Leitt að til­kynna ykkur að við hin erum heldur ekki þetta hress eða ein­beitt venju­lega. Þið eruð bara á spítti.“

Nú tæpum sól­ar­hringi síðar hafa fjöl­margir gagn­rýnt hann harð­lega. Þó margt bendi til þess að Hermann sé að slá á létta strengi þá eru við­brögðin ekki í þeim anda. Margir segja hann sýna for­dóma gegn fötl­uðum. Enn aðrir segja þessi lyf hafa bjargað lífi sínu og hann eigi að skamm­ast sín. Þess má geta að dokt­ors­rit­gerð Arndís Sue Ching Löve Fíkni­efni í frá­rennsli frá Reykja­vík sýndi fram á að neysla amfetamíns í Reykja­vík er útbreidd og nán­ast hvergi meiri í Evrópu.

Hér fyrir neðan má nokkur dæmi um við­brögð fólks við tísti Hermanns.