Viltu búa á Bakkavör? Áttu 240 millur? – Sjáið myndirnar!

Á Seltjarn­ar­nesi er að finna allsvaka­legt par­hús sem nú er til sölu, við göt­una Bakkavör. Ásett verð er litlar 240 millj­ónir króna.

Húsið er allt hið glæsi­leg­asta og hef­ur að geyma flottar og sér­smíð­aðar inn­rétt­ing­ar.

Í par­hús­inu er að finna afar sér­stakt ­safn lista­verka sem fegra um­hverfið.

Parhúsið er engin smá­smíði, eða 295 fer­metrar að stærð; var reist fyrir þrjá­tíu og einu ári.

Parhúsið er á tveim­ur hæðum með gull­fal­legu sjáv­ar­út­sýni; það var inn­an­húss­arki­tekt­inn Guðbjörg Magnús­dótt­ir sem sá um inn­rétt­ing­ar sem settar voru upp árið 2006.

Óhætt er að segja að Guðbjörg sé með færstu inn­an­húss­arki­tekt­um Íslands; sést það vel á inn­rétt­ing­un­um, því þær eru ennþá gull­fal­legar, sextán árum eft­ir upp­setn­ingu.