Leikarinn Pierce Brosnan hefur fengið nálgunarbann gegn konu sem hann segir hafa setið um sig og fjölskyldu sína svo mánuðum skiptir. Konan er sögð hafa búið í bílnum sínum fyrir utan heimili Brosnan í Malibu.
Eltihrellirinn bað Brosnan um 1500 bandaríkjadali sem hún sagðist þurfa til að skipta um dekk á bílnum sínum, hún gaf honum síðan mynd sem hún teiknaði af Brosnan.
„Hún sagðist upphaflega vera að leita að Dick Van Dyke (hún er með húðflúr af honum á hendinni) en síðan hún fann mig og fjölskyldu mína hefur hún verið fyrir utan húsið. Hún lét mig hafa tvo furðulega miða, sagðist þurfa 1500 dollara fyrir nýjum dekkjum og gaf mér teikningu af mér “
Konan er 55 ára og óttaðist Brosnan um öryggi sitt og fjölskyldu sinnar. Hann óskaði tvisvar eftir aðstoð lögreglu við að fjarlægja konuna en þar sem hún var ekki inni á lóð fjölskyldunnar gat lögreglan ekki sagt henni að fara. Hann fór þá fyrir dómstóla og fékk nálgunarbann gegn konunni. Eltihrellinum er nú gert að halda sig ríflega 300 metrum frá Brosnan og fjölskyldu hans.
Athugasemdir