Segir þjóðina samábyrga: „Lykilsaga um margt af því versta í íslensku samfélagi“

Kristinn Hrafns­son rit­stjóri Wikileaks segir svo­kall­aðan Covid-túr á Júlíusi Geir­munds­syni sé lyk­il­saga um margt af því versta í íslensku sam­fé­lagi. Líkir útgerð­inni við skipu­lagða glæp­a­starf­semi.

Sjá einnig: Logandi deilur á Ísafirði – Skip­verjar stefna útgerð­inni – Nýr eig­andi stefnir á yfir­ráð

Kristinn skrif­aði færslu nýverið á Facebook og hlekkir við­tal úr Stund­inni við en þar ræðir Stundin við tvo skip­verja sem fóru í hinn afdríf­a­ríka túr á Júlíusi Geir­munds­syni en upp kom Covid-smit í áhöfn­inni en henni gert að halda áfram vinnu sinni. Í dag glíma sumir úr áhöfn­inni enn við eft­ir­köst Covid, bæði lík­am­leg og and­leg. Hafa þeir kært útgerð­ina.

Færslan er svohljóð­andi:

„Kóvíd­túr­inn á Júlíusi Geir­munds­syni er lyk­il­saga um margt af því versta í íslensku sam­fé­lagi. Skeyt­ing­ar­leysi gagn­vart lífi og limum þegar gróða­sjón­ar­mið eru alls­ráð­andi, óheið­ar­leik­inn í sam­skiptum þeirra sem valdið hafa gagn­vart hinum, flótt­inn undan ábyrgð, lygarnar og sam­trygg­ing póli­tískra valda­stofn­ana eins og lög­reglu og dóm­stóla með pen­inga­vald­inu. Jafnvel Verka­lýðs­fé­lögin kóa með.

Það er þekkt í skipu­lagðri glæp­a­starf­semi að menn smokra sér undan ábyrgð með því að velja einn úr hópnum til að taka skell­inn þegar nauð­syn­legt er talið að friða þá sem heimta rétt­læti (sem þykir óþægi­leg truflun). Þarna fær skipp­er­inn smá högg á handa­bakið. Útgerðin smokrar sér undan ábyrgð og ætl­aði raunar að tryggja sig með því að fá hér­aðs­lækn­inn til að ljúga á sig hluta sakar.Þetta er dæmi­saga um sið­ferð­is­brest sem er svo djúpur að hann verður að skrif­ast á alla þjóð­ina. Á meðan hún leyfir þessu að grass­era telst hún sam­á­byrg.“