Anna Kristjáns fagnar sigri Fótboltasamvinnufélagi Halifaxhrepps: „Svona getur snobbið leikið mig“

Anna Krist­jáns­dóttir er eins og lands­menn vita, orð­heppin með ein­dæmum og í raun drep­fyndin. Á Facebook heldur hún úti dag­bók en hefur síð­ustu ár búið á Tenerife eða Paradís eins og hún kallar spænsku eyj­una.

Í nýj­ustu færslu sinni er Önnu tíð­rætt um knatt­spyrnu­leiki lið­innar helgar.

„Dagur 1175 – Klaust­ur­bar.

Í gær­morgun var klukk­unni breytt í Paradís. Þegar ég vakn­aði klukkan sex að morgni komst ég að þeirri hræði­legu stað­reynd að klukkan var bara fimm og ég neydd­ist til að eyða klukku­tíma lengur í rúm­inu áður en ég álp­að­ist á fætur.

Ég skrapp á Klaust­ur­bar (Nostal­gíu) í gær, ekki til að slúðra um konur eins og með­limum Mið­alda­flokks­ins er tamt, frekar til að borða pönnu­kökur og drekka gos því ekki má ég drekka bjór þegar ég er á Mjall­hvíti. Þegar á Klaust­ur­bar var komið var allt lokað og læst og ég fór að örvænta. Hvar eru ábót­inn og abbadísin á Klaust­ur­bar? Eftir nokkra stund mættu þau bæði og opn­uðu húsið og mér tókst að óska ábót­anum til ham­ingju með sigur hans manna hjá Sam­ein­uðum Lýðs­verjum (Leeds United) gegn ein­hverju liði í pen­inga­deild­inni. Þau hjónin voru svo ánægð með kveðj­una að ég þurfti nán­ast ekk­ert að borga fyrir pönnu­kök­urnar og kókið.“

Í miðkafla færsl­unnar segir hún frá beiðni sem henni barst á „Klaust­ur­bar“ sem hún mis­skildi illi­lega:

„Eftir smá­stund fyllt­ist allt af fólki. Nágrannar hans Kobba bróður mættu og tvær sem ég man ekki nöfnin á sem og Mummi frændi og Hrafn­hildur (ekki Mummi mein­horn) og var þar fagn­að­ar­fundur og fullt af öðru skemmti­legu fólki. Frábær eft­ir­mið­dags­stund á Klaust­ur­bar.Svo fór ein­hver að tala um að hún vildi taka sel­fie með sér og ein­hverju celebrity og ég stillti mér upp með bros á vör, en í stað þess að taka mynd af okkur saman, hljóp hún út og náði mynd af sér með Mjall­hvíti. Ég fór í rusl, flýtti mér í burtu og heim á Mjall­hvíti og lok­aði hana snar­lega niðri í bíla­geymsl­unni í stæði númer 65. Ég hélt að ég væri celebrity en ekki Mjall­hvít. En svona getur snobbið leikið mig. Ég er alveg miður mín.

Við Helena fengum okkur dýr­indis nauta­steik með bök­uðum og berna­isse en síðan var haldið á Búkkann og felldir nokkrir bjórar með Pétri áður en ég þurfti að halda heim á leið og skrifa pistil morg­un­dags­ins.“

Að lokum skrifar Anna meira um úrslit helg­ar­innar, bæði úr fimmtu deild­inni bresku sem og úrvals­deild­inni:

„Af íþróttum helg­ar­innar er það helst að hetj­urnar okkar í Fót­bolta­sam­vinnu­fé­lagi Hali­fax­hrepps unnu leik­inn sinn með sann­fær­ingu og lyft­ust aðeins upp frá botns­æt­inu. Ég við­ur­kenni að topp­sætið í fimmtu deild fjar­lægist stöðugt, en allt skal samt gert til að forð­ast fall niður í sjöttu deild.Ég held að ég þurfi ekki að ræða frekar leik Lýðs­verja við eitt­hvert botn­lið í pen­inga­deild­inni þótt ég hafi vissu­lega náð að óska Stuart for­stöðu­manni hús­bars­ins til ham­ingju með sig­ur­inn enda einnig Lýðs­verji rétt eins og Sævar ábóti á Klaust­ur­bar. Ég horfði hins­vegar á leik strák­anna hans Nenna gegn strák­unum í Vest­ur­bæj­ar­skin­k­unum og sá leikur fór ljóm­andi vel að mati sumra.Höfum samt hug­fast að ég hefi ekk­ert vit á bolta­sparki.“