Skjaldborg um MH-nauðgara – Vinir og fjölskylda sagðir hafa varið hann með kjafti og klóm

„Það hringir náungi í mig sem þyk­ist vera lög­fræð­ingur. Hann segir við mig að hann sé að hringja fyrir hönd ger­anda míns og ætli að kæra mig fyrir brot á mann­orði ef ég held ekki kjafti.“

Þetta segir ung kona, nem­andi við Mennta­skól­ann við Hamra­hlíð, í hlað­varp­inu Eigin konur sem Edda Falak stýrir. Konan greinir frá stemm­ing­unni innan skól­ans, sem virð­ist hafa verið góð und­an­farið. Greint er frá efni þátt­ar­ins á Facebook.

Stúlkan bendir á að hún hafi bara verið 17 ára og ekki vitað betur en að þetta væri alvöru lög­fræð­ingur. Hún segir nafn ger­anda síns hafa verið skrifað á vegg skól­ans og í kjöl­farið fór hún að fá hót­anir frá vinum hans og fjöl­skyldu.

„Hann dregur mig inn í eitt­hvað her­bergi og ég segi við hann að við séum bara vinir. Þegar hann byrjar að draga niður bux­urnar mínar, að þá frýs ég alveg. Í fyrsta lagi er hann svona þrisvar sinnum þyngri en ég. Ég hefði aldrei getað ýtt honum af, hann er miklu stærri og sterk­ari en ég, þú veist, þettta er bara svona. Ég ætl­aði bara að bíða eftir að þetta yrði búið,” segir hún.

Svo virð­ist sem margir hafi varið þennan unga mann með kjafti og klóm. Stúlkan seg­ist hafa verið skelkuð. Eigin konur birta skjá­skot af skila­boðum sem hún mun hafa fengið.