Ingu Rósu nokkurri brá heldur betur í brún þegar hún kom heim til sín með pastapakkningu úr Costco. Pakkningin reyndist vera full af bjöllum og segir hún að verslunin hafi neitað sér um skaðabætur vegna vörunnar.
Inga segir frá upplifuninni í fjölmennu samfélagi Costco-unnenda á Facebook. Þar segir hún:
„Vonbrigði dagsins fá Costco fyrir að bjóða ekki upp á neinar skaðabætur fyrir ónýta vöru þess má geta að ég keypti pasta sem var fullt af pöddum ( bjöllur ) þirfti ég því að æða út í búð að kaupa skordýraeitur og þrífa hátt sem lágt til að gá ekki pöddufaraldur hjá mér Enginn önnur heildverslun myndi svara á þennan hátt,“ segir Inga vonsvikin.
Flestir meðlimir hópsins undra sig á viðbrögðum verslunarinnar. Jakob er einn þeirra. „Eiga þeir borga fyrir meindýra eyði? Held enginn myndi gera það. Þú ættir að fá endurgreitt fyrir vöruna allavega,“ segir hann.
Og Ásta hefur lent í þessu sama í Costco. „Ooiojjjjj. Keypti sömu tegund í vikunni og ákvað að skoða nánar. Allt morandi í lífi!! Andskotans! Opnaði pokann í fyrradag, þarf ég að fá meindýraeyði?,“ spyr Ásta við myndbandið hér að neðan sem hún birti undir færslunni:
Athugasemdir