Ásthildur segir árásina á Bankastræti Club skipulagða – Árásarmenn farnir á innan við þrem mínútum

„Það liðu ekki nema þrjár mín­útur frá því að þeir koma á stað­inn og fremja voða­verkin og eru farnir út aftur. Þetta mál var aug­ljós­lega skipu­lagt og bundið við þessa þrjá ein­stak­linga þar sem það var eng­inn annar inni á staðnum sem varð fyrir áreiti eða ofbeldi á meðan árásin átti sér stað.“

Þetta segir Ást­hildur Bára Jens­dóttir, yfir­maður á Banka­stræti Club, í sam­tali við RÚV en hún varð vitni að árásinni í gær­kvöldi. Hópur manna réð­ust inn á skemmti­stað­inn rétt fyrir mið­nætti og stungu þrjá menn. Árás­ar­menn­irnir voru allir með grímur.

„Ég kem að þremur alvar­lega slös­uðum mönnum í karíókí her­bergi hjá okkur niðri í kjall­ara og hringi strax á neyð­ar­lín­una og á meðan við bíðum eftir hjálp þá er þarna hjúkr­un­ar­nemi sem veitir ómet­an­lega aðstoð við að hlúa að sárum þeirra slös­uðu,“ segir Ást­hildur.

Hún segir starfs­fólk hafa staðið sig eins og hetjur en sé þó í áfalli.  „Ég er svo þakk­lát fyrir við­brögð starfs­fólks­ins sem stóð sig svo vel í þessum aðstæðum, aðstæðum sem eng­inn á að þurfa að upp­lifa eða verða vitni af. Við hjá Banka­stræti umberum ekki ofbeldi af neinu tagi og leggjum mikið upp úr öryggi starfs­fólks okkar og þjálfun starfs­fólks­ins, svo ég er bara ómet­an­lega þakk­lát fyrir við­brögðin hjá þeim öllum. Þau stóðu sig öll eins og hetjur.“