Friðfinnur er látinn: „Synti á lygnum sjó í fallegu veðri út í algleymið“

Frið­finnur Freyr Krist­ins­son sem leitað hefur verið síð­ustu vikur er tal­inn af. Bróðir Frið­finns til­kynnti þetta á Facebook og segir ekk­ert sak­næmt hafa átt sér stað.

Vísir sagði fyrst frá færsl­unni en Kolbeinn Karl, bróðir Frið­finns segir að eftir að hafa séð öll mynd­bönd sem til eru af bróður hans dag­inn sem hann hvarf, sé víst að hann hafi stungið sér til sunds og synt á haf út. Færslan er hér fyrir neðan í heild sinni:

„Við vorum hjá lög­regl­unni í dag sem hefur tekið saman öll mynd­bönd sem til eru af Frið­finni dag­inn örlaga­ríka og þar í kring.

Við vitum því nú loks­ins fyrir víst að sund­mað­ur­inn sjálfur stakk sér til sunds og synti á lygnum sjó í fal­legu veðri út í algleymið. Ekkert sak­næmt átti sér stað og Frið­finnur hefur loks­ins fundið frið.

Þó hann sé ekki fund­inn og leitin haldi áfram þá er þessum kafla óvissunnar samt lokið og það veitir okkur ákveðna ró.

Við þökkum fyrir þann ómet­an­lega stuðn­ing sem við höfun fengið og höldum áfram í von­ina um að hann finn­ist.“