Hryðjuverkamálið: „Myndi sæta furðu ef þeir gefa út á­kæru fyrir til­raun til hryðju­verka“

Engin ákæra hefur verið gefin út í hryðju­verka­mál­inu svo­kall­aða, en gæslu­varð­hald rennur út 8. des­em­ber.

Sveinn Andri Sveins­son er lög­maður ann­ars sak­born­ings­ins segir í sam­tali við Frétta­blaðið að það myndi vekja furðu ef gefin verði út á­kæra fyrir til­raun til hryðju­verka.

Sveinn Andri Sveins­son.

Kom fram að í síð­ustu viku sagði hér­aðs­sak­sókn­ari að rann­sókn máls­ins væri lokið; það er nú hjá sak­sókn­ara, sem taka mun afstöðu til þess hvort menn­irnir tveir verði ákærðir.

Sveinn Andri segir að sjálfur hafi hann ekk­ert heyrt frá á­kæru­vald­inu varð­andi á­kæru í mál­inu og segir að mögu­lega verði gæslu­varð­haldið lengt:

„Þeir gætu haft þá inni til 14. des­em­ber, þá eru tólf vikur liðnar. Þeir þurfa að gefa út á­kæru fyrir tólftu vik­una, svo gætu þeir mögu­lega fram­lengt gæslu­varð­haldið ef á­kæran er þess efnis. Það er erfitt að ráða í það hvað á­kæru­valdið ætlar að gera. Það myndi sæta furðu ef þeir gefa út á­kæru fyrir til­raun til hryðju­verka. Við verðum bara að bíða og sjá.“

Sveinn Andri seg­ist vera í góðu sam­bandi við mann­inn:

„Við tölum reglu­lega. Hann er að taka þessu öllu af merki­legri yfir­vegun. Það er búið að setja hans líf á hlið­ina, þeirra tveggja,“ sagði Sveinn Andri.