Anna sér eftir sjúkrabílakláminu: „Erum með töluvert magn af upplýsingum um okkar viðskiptavini“

Anna Karen Sig­urð­ar­dóttir, Only Fans stjarnan sem tók upp hið umtal­aða klám­mynd­band í sjúkra­bíl í Skóg­ar­hlíð­inni svar­ar­aði fjöl­miðlum í gær­kvöldi á Instagram, fullum fetum.

Anna Karen, sem tók upp klám­mynd­band með slökkvi­liðs­manni inni í slökkvi­bíl í Skóg­ar­hlíð­inni bjó til „story“ á Instagram-síðu sinni í gær­kvöldi þar sem hún svarar fjöl­miðlaum­fjöllun um hana og mynd­bandið ill­ræmda. Þar kallar hún umfjöll­un­ina sem birst hefur um hana í fjöl­miðlum, „mann­orðs­morð“ og gaf sterk­lega í skyn að hún myndi leka upp­lýs­ingum um við­skipta­vini íslensks kyn­lífs­verka­fólks. Sagði hún marga þeirra í háum stöðum í sam­fé­lag­inu og jafn­vel innan blaða- og frétta­manna­stétt­ar­innar. Þá gaf hún einnig í skyn að fleiri innan slökkvi­liðs­ins myndu „fjúka“ ef sann­leik­ur­inn kæmi í ljós.

Sjá einnig: Anna tók þátt í frægu klám­mynd­bandi í sjúkra­bif­reið­inni í Skóg­ar­hlíð

Hefur upplýsingar um háttsetta menn

Orðrétt sagði hún í mynd­bandi í „story“ eft­ir­far­andi:

„En já, við skulum endi­lega hafa nokkra hluti á hreinu. Meðal ann­ars það að við „sex workers“ erum frekar tight sam­fé­lag og við erum með tölu­vert magn af upp­lýs­ingum um okkar við­skipta­vini sem eru frekar margir. Og í alls konar stöðum og störfum. Þannig að ef þið viljið og ætlið að halda áfram að taka þátt í mann­orðs­morð­inu sem er að eiga sér stað og á sér stað í kringum þetta allt saman, bæði gagn­vart creators og fleirum, þá skuluð þið prísa ykkur sæla að við gerum ekki slíkt hið sama því það væru ansi margir sem myndu missa vinn­una. Hátt­settir ein­stak­lingar í alls konar stöðum og störfum. Blaða­menn, frétta­menn, þing­menn, alls konar. Þannig að já.“

Eftir mynd­bandið birti Anna Karen texta þar sem hún meðal ann­ars hlær að umfjöllun Frétta­blaðs­ins um þessi orð hennar. Fyr­ir­sögn FRétta­blaðs­ins var „Varar fólk við að fjalla frekar um mynd­bandið“ en Anna Karen skrif­aði: „Æjji kommon @frettabladid. Er þetta fyr­ir­sögnin sem þið ætlið að nota *hlát­ur­kall*.Hversu stór hluti af ykkar starfi felst í því að túlka frá­sagnir við­mæl­enda ykkar þannig að frétt­irnar kom­ist sem best til skila?“

Beinir hún orðum sínum einnig að slökkvi­liðs­mönnum í „story“ er hún segir: „Án þess að gera lítið úr þessu sjúkra­bíla­máli eða alvar­leika þess ætla ég samt sem áður að benda á þá stað­reynd að hefði ég setið þá fundi þar sem þetta var rætt hefðu fleiri misst starfið innan slökkvi­liðs­ins. #sorrynotsorry“

Hvar er línan?

Þá seg­ist hún geta rætt „mis­tökin sem þetta klám­mynd­band var“ seinna en nú sé verið að tala um fjöl­miðla­fólk. „Mann­orðs­morðið sem ég nefndi áðan, vill ég góð­fús­lega benda á að er ykkar gjörn­ingur – með ómál­efna­legum og ófag­mann­legum vinnu­brögðum. Við getum rætt mis­tökin sem þetta klám­mynd­band var síðar. Núna erum við að tala um ykkur.“

Velti Anna Karen fyrir sér hvar línan væri er þegar kemur að per­sónu­legum upp­lýs­ingum sem fram koma í fréttum. „Hótun? Blaða­maður @dvfrettir gerði sér lítið fyrir í dag og skrif­aði grein þar sem hún tók saman per­sónu­upp­lýs­ingar um báða aðila sem tengj­ast þessu sjúkra­bíla­máli. Hún tók saman upp­lýs­ingar um fyrr um störf, upp­lýs­ingar af facebook og instagram profi­leum beggja aðila og setti saman undir svo­kall­aða frétta­færslu. Það vit­an­lega varð til þess að inter­net­fær almenn­ingur fékk allt sem þurfti til að byrja að áreita. Þess­vegna spyr ég, hvar er línan? Má hún setja okkur svona, leyf­is­laust og á þennan líka ein­stak­lega takt­lausa og ófag­mann­lega hátt, í „sviðs­ljósið“? Má ég þá ekki allt eins standa upp og benda á hræsnar­ana í slökkvi­lið­inu og á fleiri stofn­unum sem sitja núna, von­andi með verð­skuld­að­ann maga­verk og skitu­sting?“

Sér eftir myndbandinu

Anna Karen segir að sér þykir leitt að hafa tekið upp mynd­bandið í sjúkra­bílnum og óskar þess að geta tekið það til baka: „Mér dettur ekki í hug að draga úr alvar­leika máls­ins er varðar sjúkra­bíl­inn og vildi óska af öllu hjarta að ég gæti dregið það til baka. Ég tek ábyrgð á eigin gjörðum og þykir þetta leitt. Þetta hefði aldrei átt að eiga sér stað og ég vona að slökkvi­liðið end­ur­hugsi ákvörðun sína um að segja honum upp. En ég ætla ekki að sitja hérna þegj­andi án þess að benda á hræsn­ina.“

Í við­bót við „story“ hjá henni sem bætt­ist við í morgun seg­ist hún aldrei hafa sagt að hún ætl­aði að leka upp­lýs­ingum, bara að hún gæti það. „Ég sagði aldrei ætla að leka upp­lýs­ingum en ég sagð­ist geta gert það. Ég sagði líka að fjöl­miðlum væri ekki heim­ilt að taka þessi orð úr sam­hengi en þúveist.. áfram þið *hlát­ur­kall*“