Kristrún: „Aðgerðir ríkisstjórnarinnar eru lágmarksviðbragð við ástandi sem hún hefur sjálf skapað“

Formaður Sam­fylk­ing­ar­innar, Kristrún Frosta­dóttir fjallar á Facebook-síðu sinni um tíð­indi dags­ins í kjara­mál­unum:

„Rík­is­stjórnin fellst á hluta kjara­pakk­ans sem við í Sam­fylk­ing­unni kynntum í síð­ustu viku. Þau atriði úr kjara­pakk­anum sem rík­is­stjórnin hefur fall­ist á að hrinda í fram­kvæmd eru eft­ir­far­andi: Hærri hús­næð­is­bætur til leigj­enda (rúm­lega 10% hækkun). Hærri vaxta­bætur (50% hækkun á eigna­skerð­inga­mörkum til sam­ræmis við hækkun fast­eigna­verðs frá 2020). Hærri barna­bætur til fjöl­skyldna (5 millj­arðar á tveimur árum í stað raun­lækk­unar árið 2023).“

Kristrún bætir því við að „við fögnum því auð­vitað að rík­is­stjórnin fall­ist á hluta kjara­pakk­ans sem við og verka­lýðs­hreyf­ingin höfum kallað eftir að und­an­förnu. Nú er ljóst að bar­áttan síð­ustu mán­uði hefur skilað árangri og það er fagn­að­ar­efni. En þær aðgerðir sem rík­is­stjórnin kynnir nú eru í raun algjört lág­mark­s­við­bragð við ástandi sem hún hefur sjálf skapað og ber ábyrgð á.“

Hún nefnir nokkur dæmi:

„Ég vil til dæmis gagn­rýna eft­ir­far­andi: Að ekki sé gripið til tíma­bund­innar leigu­bremsu, að danskri eða skoskri fyr­ir­mynd, líkt og við í Sam­fylk­ing­unni höfum kallað eftir. Að allt aðhald rík­is­stjórn­ar­innar sé lagt á almenn­ing með flatri hækkun á krónu­tölu­gjöldum sem leggj­ast þyngra á fólk eftir því sem það hefur lægri tekjur — í stað þess að taka á þensl­unni þar sem hún er í raun eftir metár í fjár­magnstekjum, hjá stór­út­gerð og hjá bönk­unum. Að ný stofn­fram­lög til hús­næð­is­upp­bygg­ingar séu í raun helm­inguð. Það vekur furðu eftir fögur fyr­ir­heit rík­is­stjórn­ar­innar — þessi fram­lög viljum við í Sam­fylk­ing­unni tvö­falda.“

Kristrún segir að „fjár­lögin voru ekki tæk eins og þau voru lögð fram á Alþingi. Ekki frekar en fjár­mála­á­ætl­unin sem var kynnt í vor. Það sést á því hvernig rík­is­stjórnin hefur hringlað með eigin fjár­lög — ekki út frá eigin stefnu heldur í stans­lausu við­bragði við neyð. Við höfum gagn­rýnt stefnu­leysi rík­is­stjórn­ar­innar harð­lega. Stefna Sam­fylk­ing­ar­innar er skýr: Við munum halda áfram að leiða bar­átt­una fyrir bættum kjörum almenn­ings inni á Alþingi.“