Hrefna vandar sig þegar hún velur gjafir: „Vill ekki að gjöfin endi rykfallin inn í geymslu“

Hrefna Björk Sverr­is­dóttir, neyt­andi vik­unnar,  er mennt­aður við­skipta­fræð­ingur. Hún er með ýmsa hatta á lofti en svona stærsti hluti tím­ans hjá henni fer í að sinna veit­inga­hús­inu ROK og einnig að sinna bóka­út­gáfu á Viltu finna milljón? Sem kom út í lok nóv­em­ber. Hún er gift og á tvö börn, eina sextán ára dóttur og vikugamlan son. Svo eiga þau fimm ára labrador hund sem er næstum því eins og þriðja barnið 

Hvernig sparar þú í matarinnkaupum?

Mér finnst lyk­ill­inn af því vera skipu­lag. Það hentar mér lang­best. Ef ég er búin að ákveða hvað á að vera í mat­inn út vik­unna og vinna það út frá því sem nú þegar er til á heim­il­inu þá spara ég mér svaka­lega mikið í inn­kaupum. Ég finn það strax að um leið og við dettum úr rútínu og við förum að hoppa út í búð á hverjum degi til að ákveða hvað á að vera í mat­inn að þá hækka reikn­ing­arnir strax auk þess sem mat­ar­sóun heim­il­is­ins verður miklu meiri. Ég á það líka til að grípa óþarfa með mér í búð­inni, sér­stak­lega ef ég er að versla í lok dags og er byrjuð að vera svöng. Þá finnst mér einnig gott að reyna að hafa að minnsta kosti tvo daga í viku kjöt og fisklausa. Með því getur maður kom­ist upp með að elda mjög ódýrar mál­tíðir.

Endurnýtir þú? Ertu með ráð til annarra?

Já ég reyni að gera það. Maðurinn minn á mjög erfitt með að henda heil­legum hlutum og hefur það orðið til þess að við höfum verið að gera upp gömul hús­gögn sem oft öðl­ast nýtt líf með breyt­ingu á höldum, smá pússi og nýju lakki eða bæsi. Þá finnst mér loppu­mark­aðir algjör snilld, bæði til að selja föt sem maður er hættur að nota en ekki síður til að kaupa. Þá erum við fjöl­skyldan einnig mjög dug­leg við að skipt­ast á bókum.

Hvað hefur þú í huga þegar þú kaupir mat, fatnað og gjafir?

Með mat þá reyni ég að kaupa ekki of mikið í búð­inni og nýta það sem ég á. Þegar kemur að fatn­aði þá reyni ég að kaupa ekki hluti á staðnum nema að ég sé sér­stak­lega að gera mér ferð til að leita af ein­hverju ákveðnu. Ef ég bíð í smá tíma þá oft­ast er oft­ast ég búin að gleyma því sem ég ætl­aði að kaupa í búð­inni. Gjöfum reyni ég að dreifa þeim yfir árið og einnig reyni ég að hlusta eftir og nóta hjá mér ef ég heyri að ein­hverjum langi í eitt­hvað, vanti eitt­hvað eða langi til að gera eitt­hvað og nýti mér það svo þegar kemur að því að gefa. Það er bæði góð til­finn­ing að vita að maður sé að hitta í mark en einnig að vita að gjöfin endi ekki ryk­fallin inni í geymslu.

Hverju átt þú erfiðast með að draga úr kaupum á?

Mat og út að borða. Ég elska að borða góðan mat og eitt það sekmmti­leg­ast sem ég geri er að borða með skemmti­legu fólki. Ég á það til í að eyða mjög miklu í mat … sér­stak­lega þegar ég er erlendis.

Skiptir umhverfisvernd þig máli?

Já hún gerir það. Mér finnst mik­il­vægt að reyna að draga úr óþarfa sóun og vera með­vit­aður um hvaða áhrif við getum haft með okkar dag­legu venjum.