Sósíalisti reiður vegna orða Einars Þorsteinssonar: „Hið kapítalíska niðurrif heldur bara áfram“

Sós­í­alistar sem og ýmsir aðrir, eru afar ósáttir við orð Einars Þor­steins­sonar, for­mann borg­ar­ráðs og til­von­andi borg­ar­stjóra um starf­semi Vinjar.

Sara nokkur skrifar færslu í hóp Sós­í­alista á Facebook en hún hlekkjar frétt Frétta­blaðs­ins um gagn­rýni á orð Einars. Færsla Söru er harð­orð enda kallar hún hana „rant“ eða reiði­lestur. Orð Einars féllu í við­tali við Hring­braut en þar sagði hann: „Ég velti því upp, þetta byrj­aði sem sjálf­boða­liða­verk­efni af hálfu Rauða kross­ins, starf­semin í hús­inu er þess eðlis að það þarf ekki endi­lega fag­fólk til þess að sinna því. Ég velti fyrir mér hvort ein­hverjir af þessum 4.000 sem skrif­uðu undir þetta eða Rauði kross­inn eða aðrir sem vilja sinna þessum hópi með þessum hætti vilji gera það áfram.“

„Rant. Meiri­hlut­inn í borg­inni er ekki að gera gott mót þessa dag­ana og hið kap­ít­al­íska nið­ur­rif heldur bara áfram. Einn inn­viður í einu. Nei, afsakið – allir í einu, smá á hverjum degi,“ svona byrjar póstur Söru.

Og hún heldur áfram:

„Engar áætl­anir er uppi um að auka við tekju­stofna t.d. með því að skora á stjórn­völd að taka skatt af fjár­magnstekjum eins og gert er af launa­tekjum almenn­ings svo hægt sé að standa undir kostn­aði við rekst­ur­inn. Reiknað var út að borgin yrði af 9 millj­örðum 2021 og sveit­ar­fé­lög lands­ins sam­an­lagt um 17 millj­örðum. Af því að það má ekki snerta á fjár­magns­eig­endum (við erum ekki að tala um þau sem erfa íbúð eftir for­eldra sína).

Og ekki vildu þau frysta launin sín í eitt ár. Nei, það var ótækt. „Lausnin“ er að halda áfram að sverfa að við­kvæm­ustu hóp­unum því þau eru hvort er bara eins­konar útgjöld sem má kannski bara sleppa? Hver þarf í raun „fag­lega þjón­ustu“ sem krefst mennt­unar og leiðir af sér gæði fyrir fólkið?“

Því næst vitnar Sara í orð Einars:

„Þessi ummæli end­ur­spegla algjört metn­aðar- og virð­ing­ar­leysi Fram­sóknar gagn­vart fólki: „„Ég velti því upp, þetta byrj­aði sem sjálf­boða­liða­verk­efni af hálfu Rauða kross­ins, starf­semin í hús­inu er þess eðlis að það þarf ekki endi­lega fag­fólk til þess að sinna því.“Í sam­tali við Frétta­blaðið segir Margrét geð­hjúkr­un­ar­fræð­ingur „að það hafi þurft að hjálpa starfs­mönnum sveit­ar­fé­laga að skilja að gest­irnir stýri í raun starf­inu. Í því ljósi sé var­huga­vert að halda að sjálf­boða­liðar geti leitt starf hóps­ins í Vin á kostnað fag­fólks.”

Spurning hvort það megi ekki líka bara leggja af menntun leik­skóla­kenn­ara – eru þau ekki bara að hugga og snýta allan dag­inn? Þarf eitt­hvað endi­lega fag­fólk til að sinna þessu. Eða á hjúkr­un­ar­heim­il­inum – er þetta ekki meira og minna sama sýslið með ves­al­inga sem þarf ekk­ert endi­lega fag­fólk til að sinna?“

Í loka­orðum sínum skýtur Sara bylm­ings­fast í borg­ar­stjórn­ina í heild:

„Skortur á fag­fólki í borg­ar­stjórn end­ur­spegl­ast kannski best í honum sjálfum og kannski eru þau sem „kusu bara Framsókn“ bara sátt við nið­ur­skurð­inn og óstjórn­ina.“