Ríkislögreglustjóri kennir mótmælendum um: „Lögregla gat ekki lengur tryggt öryggi á vettvangi“

Umboðs­maður Alþingis hefur lokið athugun er gerð var á emb­ætti rík­is­lög­reglu­stjóra eftir að hæl­is­leit­enda frá Írak, Hussein Hussein, um alþjóð­lega vernd var vísað úr landi aðfara­nótt 3. nóv­em­ber 2022 með mik­illi hörku.

Var til­kynnt um þetta á vef­síðu umboðs­manns Alþingis í dag.

á meðal þess er fram kemur í bréfi rík­is­lög­reglu­stjóra til umboðs­manns er þaðað áætl­anir lög­reglu við brott­vísun manns­ins, Hussein Hussein, hafi breyst þegar mót­mæl­endur hófu að skipta sér af.

Jón Gunn­ars­son dóms­mála­ráð­herra. Útlend­inga­frum­varp hans er afar umdeilt.

Komið hefur fram að Hussein notar hjóla­stól vegna fötl­unar; lög­reglu­menn báru hann út í bíl þessa dimmu nótt er honum var vísað úr landi.

Kemur fram í bréfi rík­is­lög­reglu­stjóra til umboðs­manns að stoð­deild lög­regl­unnar hafi gert ráð fyrir að Hussein yrði fluttur frá Reykja­vík til Kefla­víkur í sér­út­búnum bíl fyrir fólk í hjóla­stól.

Sagt er að aðstæður hafi skyndi­lega breyst er lög­regla átti að flytja hann úr búsetu­úr­ræði á hótel og þaðan til Kefla­víkur; mót­mæli hafi þá orðið til að lög­reglan gat ekki tryggt öryggi á vett­vangi; búsetu­úr­ræði sem og á hót­eli – þar sem fólk ætl­aði að koma í veg fyrir brott­vís­un­ina.

Í des­em­ber felldi Hér­aðs­dómur Reykja­víkur úr gildi úrskurð kæru­nefndar útlend­inga­mála að mál Hussein og fjöl­skyldu hans skyldi ekki tekið upp að aftur.

Kemur fram að rík­is­lög­reglu­stjóri ætli að skila skýrslu til dóms­mála­ráðu­neyt­is­ins um brott­flutn­ing­inn.

Telur umboðs­maður ekki ástæðu til að halda athug­un­inni áfram, en óskar eftir að vera upp­lýstur varð­andi fram­vindu þessa máls.

Þá kemur fram í bréfi rík­is­lög­reglu­stjóra til umboðs­manns Alþingis að emb­ættið sé að skoða það að festa kaup á fjöl­nota­bíl sem yrði not­aður við flutn­ing ein­stak­linga er not­ast við hjóla­stól.

Allt ferlið mun síðan verða rakið í skýrslu til dóms­mála­ráðu­neyt­is­ins.