Fjölskyldan getur sparað allt að 50.000 krónum á ári hjá indó – Engin færslugjöld

Nýr íslenskur spari­sjóður, indó, opn­aði form­lega 31. jan­úar. En hver er ávinn­ing­ur­inn af því að nýta sér þjón­ustu indó.  Ekkert árgjald, engin færslu­gjöld, ekk­ert mán­að­ar­legt útskrift­ar­gjald. Hærri vextir af inn­láns­reikn­ingi en almennt þekk­ist, eða 2,5 pró­sent. Ekkert geng­isá­lag þegar kort er notað erlendis eða á erlendum net­síðum. Fyrst um sinn mun indó aðeins bjóða upp á debet­korta­reikn­ing en stefnir á frek­ari þjón­ustu í náinni fram­tíð.  Við­skipta­vinir indó geta stundað öll helstu banka­við­skipti eins og hjá öðrum bönkum, eins og að greiða reikn­inga eða greiða fyrir vörur og þjón­ustu um allan heim með debet­kort­inu, sím­anum eða milli­fæslu. Indóar, en svo kall­ast við­skipta­vinir indó, geta ekki tekið út reiðufé af kort­inu sínu.

Blaða­maður Mannlífs tók saman kostnað og gjöld hjá Íslands­banka til sam­an­burðar.

Árgjald af debet­korti er 990 krónur, færslu­gjöld 20 krónur og vextir af Gullvild 0,75 pró­sent. Árgjald af almennu kredit­korti er 7200 krónur á ári. Engin færslu­gjöld eru af kredit­korti. Mán­að­ar­legt net­yf­ir­lit af kredit­korti er 130 krónur. Geng­isá­lag hjá bönk­unum er að með­al­tali um 2,5 pró­sent.

Af þessu er ljóst að það má spara tölu­vert að nýta sér þjón­ustu indó.  Tökum sem dæmi ef fjöl­skyldan fer erlendis í frí og eyðir 500.000 þús­und krónum og verslar fyrir sömu upp­hæð á net­síðum. Miðað við 2,5 pró­sent geng­isá­lag eru það 25.000 krónur.  Kostn­aður vegna net­yf­ir­lita á ári er 1560 krónur. Ef þú greiðir með debet­kort­inu þínu að með­al­tali 60 greiðslur á mán­uði þá gerir það á ári 14400 krónur. Og svo eru það árgjöld af bæði debet og kredit­korti 8190 krónur. Samtals gerir þetta 49150 krónur.