„Þetta á eftir að koma sér mjög vel og gefur mér mikinn styrk til þess að klára þetta verkefni. Ég á ævilangan vin í honum Gísla og ykkur öllum fyrir þetta allt saman. Ég get ekki fundið réttu orðin núna,“ sagði Helga Ingibjörg Guðjónsdóttir í viðtali við Skagafréttir í dag.
Það var Gísli J Guðmundsson hárskeri sem setti í gang söfnun fyrir Helgu; hún er í lyfjameðferð vegna krabbameins.
Skagamenn tóku heldur betur höndum saman söfnuðust 2,1 milljón króna.
Helga hefur verið ófeimin að ræða opinskátt um krabbameinið; hún er ein þeirra sem eru í auglýsingaherferð Krafts um þessar mundir, Kolluna upp fyrir okkur.
Gísli hárskeri hét því að raka af sér allt hárið er söfnunin væri komin í tvö hundruð þúsund krónur; sá Helga um að raksturinn.
Kemur fram að bæði Sigrún Ríkharðsdóttir og Ísólfur Haraldsson aðstoðuðu Gísla við kynningu á söfnunni sem gekk svona heldur betur vel.
Hét Sigrún því að raka af sér hárið þegar einnar milljón krónu markinu væri náð; sá Carmen Llorens, samstarfsfélagi Gísla, raksturinn:
„Ég veit eiginlega ekki hvað ég á að segja. Þetta eru allt saman einstakir karakterar sem hafa staðið að þessu, Gísli, Ísólfur og Sigrún. Ég er ótrúlega þakklát fyrir þetta. Samt sem áður er ég lítil í mér en samt svo stór þegar ég finna að allt samfélagið stendur saman í þessu með mér,“ sagði þakklát baráttukonan Helga Ingibjörg að endingu.
Þeir sem vilja leggja Helgu lið geta lagt inn á neðangreindan reikning sem er á nafni Gísla:
Reikningsnúmer: 0186 – 05 – 070010 Kennitala: 150971 – 5519.
Athugasemdir