Sólveig Anna Jónsdóttir, formaður Eflingar, segist á Facebook þakklát Bubba Morthens fyrir baráttukveðjur, sem hann sendi henni meðan hann sat í sófanum hjá Gísla Marteini í gærkvöldi. Sólveig skrifar:
„Takk kæri Bubbi fyrir að láta þessi góðu stuðningsorð falla í þættinum hjá Gísla Marteini í gærkvöld“ og vitnar svo í orð Bubba:
„“Að því sögðu þá styð ég baráttu Eflingar heilshugar. Mér finnst það alveg með ólíkindum að við þurfum að vera að fara í verkföll vegna þess að það er fólk sem getur ekki lifað af laununum sínum. Og ef að Sólveig Anna væri í mínu liði og ég væri að fara í baráttu þá myndi ég setja hana fremst í fylkingarbrjóst því ég hugsaði þetta er besti bardagamaður sem að ég hef séð. En ef ég þyrfti svo að semja við andstæðinginn þá myndi ég segja þú kemur ekki inn í herbergið.“
Sólveig birtir svo mynd af sér með gjallarhorni og bætir við: „Svo það sé sagt: Ég tek gjallarhornin ekki með á samningafundi, og Efling hefur gert góða kjarasamnings á síðustu árum. Um árangurinn sem þar náðist er m.a. hægt að lesa í skýrslum Kjaratölfræðinefndar. Gjallarhornin eru dregin upp þegar auðmenn og embættismenn einfaldlega neita að samningar séu gerðir við Eflingu.“
Athugasemdir