Icelandair fellir niður pakkaferðir: „Umfangið á þessu er ekki mikið í heildarsamhengi hlutanna“

Verkfall Eflingar hefur víða áhrif í sam­fé­lag­inu eins og gengur og ger­ist með verk­föll. Farþegar sem koma til lands­ins í gegnum pakka­ferðir Icelandair Holidays, hafa að und­an­förnu fengið póst þar sem þeim er til­kynnt að bókin þeirra falli niður, af völdum verk­falls­ins.

Skjáskot sem sent var á Mannlíf

Að sögn Guðna Sig­urðs­sonar, fjöl­miðla­full­trúa hjá Icelandair er um að ræða sér­stakar pakak­ferðir þar sem fólk bókar bæði flug og gist­ingu á hót­elum. Sagði Guðni í sam­tali við Mannlíf að aðeins lítið brot af heild­ar­við­skipta­vinum flug­fé­lags­ins urðu fyrir þessum áþæg­indum. Sagði hann að ástæðan væri sú að ekki væri hægt að treysta því að hót­elgist­ingin stæði og að hægt væri að finna sam­bæri­lega gist­ingu í stað­inn. Öll venju­leg áætl­un­ar­flug standa.

Eft­ir­far­andi texta sendi Guðni á Mannlíf og aðra fjöl­miðla:

„Verk­fallið hefur ekki haft áhrif á flug­á­ætlun Icelandair og við áætlum að svo muni ekki verða í fyr­ir­sjá­an­legri fram­tíð. Í nokkrum til­fellum hefur þurft að aflýsa pakka­ferðum á vegum Icelandair Holidays til Íslands, ef gist­ing á einu af þeim hót­elum í Reykja­vík sem hafa orðið fyrir áhrifum verk­falls­ins er inni­falin og ekki hefur tek­ist að tryggja sam­bæri­lega gist­ingu. Umfangið á þessu er ekki mikið í heild­ar­sam­hengi hlut­anna.“