Brynjar Níelsson tók upp hanskann fyrir Seðlabankastjórann í síðustu færslu sinni á samfélagsmiðlinum Facebook. Í henni útskýrir hann hvernig fullkomin vanþekking þingmanna í stjórnarandstöðunni á efnahagsmálum hafi birst honum á fundi efnahags- og viðskiptanefndar:
„Verðbólgan er nú komin í tveggja stafa tölu. Eins og alltaf er það öðrum að kenna en okkur sjálfum, helst seðlabankastjóra og fjármálaráðherra. Á fundi efnahags- og viðskiptanefndar með seðlabankastjóra birtist okkur fullkomin vanþekking þingmanna stjórnarandstöðunnar á efnahagsmálum. Því er ástæða til nokkurs hroka af minni hálfu.“
Brynjar segir það lögmáli lúta að ef laun hækki meira en innistæða sé fyrir kyndi það undir verðbólgu. Hann jafnframt bendir á að laun hafi hækkað um 20 prósent síðan síðasti heimsfaraldurinn reið yfir og um sjötíu prósent á síðastliðnum níu árum. Eru slíkar launahækkanir á almennum vinnumarkaði óþekktar annars staðar í veröldinni, bætir Brynjar við í færslunni.„Að auki fylgdu kröfur um aukin útgjöld ríkissjóðs fyrir utan umtalsverðar launahækkanir til opinberra starfsmanna, einkum á sveitarstjórnarstiginu. Hvort tveggja hefur áhrif á verðbólgu sem öllum ætti að vera ljóst. Viðskiptahalli vegna eyðslu okkur hefur áhrif á verðbólguna og svo bætist við innflutt verðbólga sem var óhjákvæmileg vegna kovíd. Má því ætla að verðbólga ætti að vera enn meiri en raun er,“ útskýrir Brynjar og finnst vert að við lítum öll í eigin barm.„Verðbólgan nú kemur mest niður á lægst launuðum og ungu fólki sem hefur keypt sína fyrstu eign. Þá lamar það frekari uppbyggingu atvinnulífsins. Við náum engum tökum á verðbólgunni með óraunhæfum kröfum um launahækkun og auknum kröfum á frekari útgjöld ríkisins.Lítum í eigin barm og lærum af reynslunni og hættum að djöflast í seðlabankastjóra sem eingöngu sinnir skyldum sínum,“ ritar Brynjar að lokum.Hér að neðan má sjá færslu Brynjars í heild:
Athugasemdir