Guðmundur Andri líkir krónunni við bjórlíki: „Við gengum ekki svo langt að framleiða hundlíki“

Rit­höf­und­ur­inn Guð­mundur Andri Thorsson rifjar upp bjór­bannið er ríkti hér á landi um ára­tuga­skeið, en því var aflétt þann 1.mars árið 1989.

„Bjór­bannið var eitt af íslensku sér­bönn­unum, eins og hunda­bannið. Afleið­ingin var bjór­líki, drykkur sem sam­an­stóð af spíra og pilsner, sem var afar bragðvont öl. Útkoman varð ekki eins og bjór – frekar en smjör­líki var eins og smjör – heldur eins og blanda af spíra og pilsner.“

Hledur áfram:

„Við gengum ekki svo langt að fram­leiða hund­líki, svo ég muni – þó rámar mig í fólk að ganga um með ketti í ól. Ég man hins vegar eftir fólki sem breiddi eins­konar filmu yfir sjón­varpið svo að myndin virt­ist í smá­stund vera í lit. Litlíki. Myndir í lit þóttu mikil ósvinna, og var ýmsum þing­mönnum Alþýðu­banda­lags­ins næstum jafn upp­sigað við slíkan bjána­gang og greiðslu­kort.“

Loka­orðin:

„Við höldum hins vegar enn í það gjald­mið­ils­líki sem kall­ast krónan og er að valda okkur ýmsum búsifjum rétt eina ferð­ina.“