Elísabet Gunnars: „Ég er þakklát fyrir að hafa ekki verið á social media þegar ég var að finna mig“

Fyrsti þáttur Tölum Um fór í loftið í gær. Þar ræðir Gummi Kíró við hina glæsi­legu Elísa­betu Gunn­ars­dóttur, eig­anda Trendnet.is.

Elísabet segir frá því hvernig fata­stíll hennar þró­að­ist en hún byrj­aði ung að starfa í tísku­vöru­verslun. „Ég tróð mér inn í Centrum sem var í Kringl­unni. Ég vann mjög mikið með mennta­skóla, hef alltaf verið þar að ég vil eiga fyrir hlut­unum, ef mig langar í eitt­hvað þá vinn ég bara meira.“ Elísabet segir að alla tíð hafi hún haft efni á því sem hún kaupir og aldrei viljað eyða umfram það sem hún á. „Ég fór aldrei á skeið sem margar ung­lings­stelpur gera, að taka yfir­drátt eða eitt­hvað. ég vann fyrir því.“

Í Centrum byrj­aði Elísabet fyrst að fylgj­ast með tísku­bylgjum. „Ég vann þar lengi og hrærð­ist svoldið þá í merkjum í fyrsta sinn.“

Hún rifjar upp árin þegar hún var enn að leita að sínum per­sónu­lega stíl. „Ég man eftir mér í einu outfiti þar sem ég var í sokka­buxum, sam­fellu og hæla­skóm, Madonnu fýl­ingur. Ég labb­aði bara eins og ekk­ert væri. Þetta var ekki endi­lega minn stíll heldur þótti bara töff.“

„Ég er rosa­lega þakk­lát fyrir að hafa ekki verið á social media þegar ég var að finna mig í tísku, maður fór all in í trendum.“

Þáttinn Tölum Um er hægt að nálg­ast í heild sinni hér.