Kolbrún vill ekki hækka kynferðislegan lágmarksaldur

Hér­aðs­sak­sókn­ari, Kolbrún Bene­dikts­dóttir, er á því að ekki sé ráð­legt að hækka kyn­ferð­is­legan lág­marks­aldur; setur spurn­inga­merki við til­gang þess að hækka kyn­ferð­is­legan lág­marks­aldur úr 15 árum í 18 ár, eins og lagt er til í frum­varpi þing­manns Pírata.

Þing­maður Pírata, Gísli Rafn Ólafsson, lagði fram á síð­asta hausti frum­varp þar sem lagt er til að kyn­ferð­is­legur lág­marks­aldur verði hækk­aður úr 15 árum í 18 ár.

Gísli Rafn Ólafsson þing­maður Pírata.

Bent var á að ekk­ert ald­ur­svið­mið væri í lög­unum, og lög­gjaf­inn væri þannig að leggja blessun sína yfir sam­band 15 ára barns og 59 ára gam­als ein­stak­lings.

Gerir hér­aðs­sak­sókn­ari ýmsar athuga­semdir við frum­varpið í umsögn er emb­ættið skil­aði frá sér.

Segir að ákveð­ins mis­skiln­ings gæti varð­andi sum hegn­ing­ar­á­kvæði; sifja­spell sé til dæmis alltaf refsi­vert þótt brota­þoli sé eldri en 18 ára.

Sú breyt­ing­ar­til­laga er lögð er til í frum­varp­inu myndi rýra rétt brota­þola sifja­spella; segir hér­aðs­sak­sókn­ari það einnig mis­skiln­ing að ekki þurfi að hafa ákvæði um og varð­andi gáleysi þar sem börn eiga alltaf að njóta vafans. Gáleysis-ákvæðið sé mjög mik­il­vægt og nauð­syn­legt.

Meg­in­reglan er sú að brot gegn hegn­ing­ar­lögum sé ein­göngu refsi­verð ef brotið eða brotin séu framin af ásetn­ingi; að ein­göngu sé hægt að refsa fyrir gáleys­is­brot ef fyrir því sé sér­stök heim­ild í lögum.

Kemur fram að stundum þurfi ákæru­valdið að sanna að við­kom­andi hafi vitað að brota­þoli hafi verið undir lög­aldri á verkn­að­ar­stundu.

„Sú sönnun er stundum tor­veld og þá er mjög mik­il­vægt að hafa gáleys­is­á­kvæðið í lög­unum,“ sagði Kolbrún í sam­tali við ruv.is.

Hér­aðs­sak­sókn­ari setur spurn­ing­ar­merki við hækkun kyn­ferð­is­legs lág­marks­ald­urs úr 15 í 18 ár.

Aldurinn var síð­ast hækk­aður árið 2007; þá var vísað til rann­sókna um við­horf ung­menna til þessa mála.

Í frum­varp­inu er ekki vísað til rann­sókna; tilað svona stór breyt­ing verði þurfi að eiga sér stað und­an­gengin og afar ítar­legri skoðun og grein­ing.

Vissu­lega eru ung­menni skil­greind sem börn til 18 ára ald­urs.

„Ungmenni á aldr­inum 15 til 17 ára hafa samt sem áður sjálfs­á­kvörð­un­ar­rétt um ýmis­legt,“ segir Kolbrún, og að ekki sé ráð­legt að gera svona stórar breyt­ingar á þess­ari stundu án meiri skoð­unar.