Miðaldra karl í Breiðholti fékk pylsu í baðkerið: „Svo létti mér þegar ég sá að þetta var pylsa“

Gula pressan var partur af Press­unni sál­ugu en var henni ætlað að vega upp á móti alvar­legum fréttum í blað­inu, með grín­fréttum. Gunnar Smári Egilsson var rit­stjóri Pressunnar þegar Gula pressan leit dags­ins ljós en hún sló heldur betur í gegn.

Ýmsar mis­gáfu­legar „fréttir“ birt­ust í Gulu press­unni en eins sú fyndn­asta er eft­ir­far­andi frétt sem birt­ist 28. maí 1992:

Miðaldra karl í Breið­holti FÉKK PYLSU í BAÐKERIÐ

„Grímur Pálsson“

Mynd: Trausti Haf­steins­son

Reykja­vík, 28. maí. „Ég var kom­inn ofan í baðið þegar ég tók eftir pyls­unni. Í fyrstu brá mér rosa­lega því ég vissi ekk­ert hvað þetta var. Hélt jafn­vel að þetta hefði komið út úr mér ein­hvern veg­inn. Svo létti mér þegar ég sá að þetta var pylsa, en þá brá mér aftur því ég skildi ekk­ert hvað hún var að gera þarna,“ sagði Grímur Pálsson, mið­aldra karl­maður sem varð fyrir þeirri óskemmti­legu reynslu að fá pylsu í bað­kerið sitt. Samkvæmt upp­lýs­ingum frá Hita­veitu Reykja­víkur mun pylsan hafa verið dálít­inn tíma í heita­vatns­æð­inni. Þegar vatnið var sett á leiðslu­mar frá Nesja­völlum gleymd­ist að tæma kaffi­að­stöðu þeirra sem lögðu þær, en þeir höfðu komið sér fyrir slíkri aðstöðu í einni dælu­stöð­inni. I frétt sem Hita­veitan hefur sent frá sér segir að meðal ann­ars séu kaffi­brúsar, syk­ur­kar, þrír lítrar af mjólk og ýmis­legt annað sem til­heyrir kaffi­stofu­haldi í píp­unum. Einnig segir í til­kynn­ing­unni: „Þá hefur glat­ast for­láta kaffi­kanna sem á er skrifað „Elsku pabbi“ og er finn­andi vin­sam­leg­ast beð­inn að koma henni til skila til Kára Dav­íðs­sonar, Furu­grund 15.“

Hér er svo annað gott dæmi um húmor­inn sem ein­kenndi Gulu press­una en hér er sagt frá því er Jesús Kristur Jós­eps­son Guðsson birt­ist í skýja­bólstrum yfir Bol­ung­ar­vík árið 1993.

Kristur birt­ist yfir Bol­ung­ar­vík

Sér­fræð­ingar Í trú­ar­brögðum kalla þetta krafta­verk

Bol­ung­ar­vík, ll.mars. „Auðvitað vildi ég geta tekið mark á þessu. En við í bæj­ar­stjórn­inni höfum brennt okkur á því að upp­veðr­ast yfir smæstu von­ar­glætum,“ sagði Ólafur Krist­jáns­son, bæj­ar­stjóri í Bol­ung­ar­vík, þegar GULA PRESSAN sýndi honum mynd sem áhuga­ljós­mynd­ari tók af skýja­bólstrum fyrir ofan Bol­ung­ar­vík. í þeim má sjá ásjónu Jesú Krists og er eins og hann sé að blessa bæinn og hug­hreysta fólkið. „í sjálfu sér er það ákveðin huggun að mál­flutn­ingur okkar skuli fá hljóm­grunn á æðstu stöðum. Við vorum orðin hálf vondauf af því að tala fyrir daufum eyrum rík­is­stjórn­ar­innar,“ bætti Ólafur við. Þeir sér­fræð­ingar í trú­málum og dul­hyggju sem GULA PRESSAN ræddi við voru á einu máli um að hér væri krafta­verk á ferð. „Þetta eru skýr skila­boð frá almætt­inu,“ sagði Gunnar Þor­steins­son í Kross­inum. „Það stendur með Bol­vík­ingum í þreng­ingum þeirra og vill leiða þá út úr vand­anum.“ „Ég veit ekki hvernig ég á að túlka þetta,“ sagði Sverrir Her­manns­son, banka­stjóri Lands­bank­ans, þegar GULA PRESSAN bar þetta undir hann, en Lands­bank­inn er einn stærsti kröfu­haf­inn í þrotabú EG. „Eftir að hafa skoðað bækur fyr­ir­tækja Einars Guð­finns­sonar finnst mér þetta fullseint í rass­inn gripið. For­ráða­mönnum þess­ara fyr­ir­tækja hefði ekki veitt af ein­hvers konar leið­sögn fyrr.“

Mynda­texti Gulu pressunnar: Ef myndin prent­ast vel má glögg­lega sjá hvernig and­lit Krists birt­ist í skýja­bólstr­unum.

Mynd: Trausti Haf­steins­son