Lindarhvoll og leyndarhyggjan: Alþingi ber að afhenda skýrslu sem Birgir Ármannsson situr á

For­sætis­nefnd Alþingis ber að afhenda grein­ar­gerð setts rík­is­end­ur­skoð­anda, Sigurðar Þór­is­sonar, frá árinu 2018, sam­kvæmt lög­fræði­á­liti er unnið var að beiðni nefnd­ar­innar; hins vegar hefur for­seti Alþingis komið í vegi fyrir birt­ingu í máli sem ein­kenn­ist helst af mik­illi leynd­ar­hyggju, eins og segir í frétt ruv.is.

Er þetta nið­ur­staða lög­fræði­á­lits er Flóki Ásgeirs­son, lög­maður hjá Magna lög­mönnum, vann að beiðni for­sætis­nefnd­ar­innar; álit Flóka er nú orðið tveggja ára gam­alt; leit þó ekki dags­ins ljós fyrr en fyrir helgi.

Hefur því grein­ar­gerð Sigurðar ekki verið opin­beruð þótt að for­sætis­nefnd hafi í apr­íl­mán­uði í fyrra ákveðið að það skyldi gert.

Forseti Alþingis, Birgir Ármanns­son, hefur komið í veg fyrir það; hann hefur sagt grein­ar­gerð­ina vinnu­skjal, og að um slík skjöl gildi ekki ákvæði upp­lýs­inga­laga; en þess­ari túlkun deilir Birgir með núver­andi rík­is­end­ur­skoð­anda – en þó vill Sigurður sjálfur að grein­ar­gerðin verði birt.

Var eign­ar­halds­fé­lagið Lind­ar­hvoll stofnað utan um hlut rík­is­ins í hinum og þessum félögum er komust í hendur þess eftir sam­komu­lag við kröfu­hafa föllnu bank­anna; var hlut­verk Lind­ar­hvols að koma eign­unum, upp á hund­ruð millj­arða, í verð.

Þegar því verki var lokið árið 2018 var félag­inu slitið; fékk for­sætis­nefnd sama ár fyrr­nefnda grein­ar­gerð frá Sigurði.

Jafnvel þótt grein­ar­gerðin hafi verið afhent for­sætis­nefnd, hafa nefnd­ar­menn ekki fengið af henni afrit; þeim hefur ein­ungis verið heim­ilt að skoða hana í lok­uðu her­bergi – án skrif­færa eða síma.

Und­an­farið hafa mál­efni Lind­ar­hvols ratað í kast­ljós fjöl­miðla síð­ustu vikur vegna dóms­máls er rekið er fyrir Hér­aðs­dómi Reykja­víkur.

Það er félag sem kall­ast Frigus II, sem hefur stefnt Lind­ar­hvoli sem og íslenska rík­inu vegna sölu Lind­ar­hvols á félag­inu Klakka, sem áður hét Exista; halda for­svars­menn Frigusar því fram að Lind­ar­hvoll hafi ekki tekið hæsta til­boði í Klakka; fara þeir fram á 650 millj­óna króna skaða­bætur vegna máls­ins.

Frigus II er í eigu Sigurðar sem og bræðr­anna Ágústs og Lýðs Guð­munds­sonar, en bræð­urnir eru oft­lega kenndir við félag sitt, Bakkavör, en það átti um 45% hlut í Exista fyrir hrunið árið 2008.

Í tengslum við það mál hefur Frigus óskað eftir afriti af grein­ar­gerð­inni áður­nefndu, sem Flóki Ásgeirs­son vann fyrir for­sætis­nefnd.

Það var svo í síð­ustu viku að úrskurð­ar­nefnd um upp­lýs­inga­mál komst að þeirri nið­ur­stöðu að álitið skyldi birt opin­ber­lega.

Lind­ar­hvoll ber að af­henda álits­gerð og minn­is­blöð; hvenær – og jafn­vel hvort – grein­ar­gerðin verður opin­beruð mun tím­inn einn segja til um.