Björk elskar að búa á Íslandi og hefur mikla trú á sveppum: „Ég bind mjög miklar vonir við sveppi“

Tón­list­ar­konan Björk Guð­munds­dóttir var í við­tali við franska fjöl­mið­il­inn Numéro fyrir skemmstu.

Hljóm­plata Bjarkar hin nýja, sem er númer 10, Fossora, kom út í haust.

Koma sveppir víða við sögu í bæði texta og myndum hjá lista­kon­unni Björk; sagði hún aðspurð um hvað sé svona heill­andi við sveppi að hún sé heilluð af lækn­inga­mætti þeirra; útliti þeirra sem og orku; einnig teng­ingu sveppa við tauga­kerfi fólks.

„Í dag erum við að upp­götva svo margt um sveppi, til dæmis á Chernobyl-svæð­inu og öðrum stöðum sem kjarn­orku­ham­farir áttu sér stað, að svepp­irnir eru fyrstu líf­ver­urnar sem byrja að vaxa á nýjan leik; ég bind mjög miklar vonir við sveppi þegar kemur að loft­lagskrís­unni sem blasir við okkur.

Við ættum að veita þeim sem eru að rann­saka sveppi nána athygli.“

Segir Björk einnig að lífið á Íslandi hjálpi henni að kom­ast niður á jörð­ina.

„Að búa í þorpi af þess­ari stærð gerir lífið auð­velt; ég elska það að ef mig langar að fara og sjá sýn­ingu þá tekur það mig 5 mín­útur að kom­ast þangað; ef ég vil eiga skemmti­legar og heim­speki­legar sam­ræður við vini mína, þarf ég ekki annað en að senda skila­boð og svo er hist á kaffi­húsi eftir tíu mín­útur.“