Elísabet er loksins komin heim af spítala: „Ég er komin heim og þvílíkar móttökur“

Rit­höf­und­ur­inn, ljóð­skáldið og leik­rita­skáldið Elísabet Jök­uls­dóttir er heldur betur ánægð með mót­tök­urnar eftir að hún kom heim af spít­ala.

Elísabet Jök­uls­dóttir er komin heim af spít­ala eftir bakslag sem hún varð fyrir eftir að hún fékk grætt í sig nýra. Eftir að hafa dvalið á spít­al­anum í tvo mán­uði og tíu daga er hún loks­ins komin heim. Segir hún í færslu á Facebook að lækn­ir­inn hafi sagt henni að „nýrað heldur vatni.“

Túlíp­ana­vöndur beið hennar er hún kom heim í gær en hann var frá Unni Ösp Stef­áns­dóttur leik­ara og leik­stjóra. Þá þrifu nágrannar Elísa­betar allt hátt og lágt hjá henni áður en hún kom af spít­al­anum. Færsluna má lesa í heild hér að neðan.

„Ég er komin heim og því­líkar mót­tökur, á stofu­borð­inu beið túlíp­ana­vöndur eftir Unni Ösp Stef­áns­dóttur sem var að þakka fyrir Sakn­að­arilm. Fólk hefur komið hingað með blóm og gjafir í til­efni af bók­inni, það er YNDISLEGT …. Um dag­inn fékk ég lítið mál­verk um vegna bók­ar­innar. En það sem gladdi mig ósegj­an­lega var að Ása vin­kona mín og nágranna­kona kom með heitar PÖNNUKÖKUR MEÐ SULTU OG RJÓMA, jarð­ar­ber og dásam­legan hug, svo fyrsta sem ég gerði var að hella uppá og spæna í mig pönnu­kökur. En vert er að geta þess að um leið og ég kom innúr dyr­unum blasti við HVAÐ ALLT VAR HREINT, SKÚRAÐ OG ÞVEGIÐ UPP, þetta var verk nágranna minna Sissa og Bigga en Biggi hafði auk þess vökvað blómin og séð um það að alllt væri í lagi. DÁSAMLEGT að vera komin heim og nú snjóar og ég hellti syngj­andi uppá kaffi.“

Mannlíf óskar Elísa­betu til ham­ingju með heim­kom­una.