Starfsmaður braut á níu ára stúlku í sumarbúðum fyrir fötluð börn: „Brotaviljinn var augljós“

Ungur maður sem kom inn í gegnum sér­úr­ræði og átti að sinna dýrum og úti­verkum í  sum­ar­búðum í Reykja­dal er sak­aður um að hafa brotið kyn­ferð­is­lega á níu ára stúlku síð­asta sumar. Fram­kvæmd­ar­stjóri Styrkt­ar­fé­lags lamaðra og fatl­aðra, sem rekur sum­ar­búð­irnar bað starfs­fólkið að hringja ekki á lög­reglu vegna hins meinta brots.

Í nýjasta blaði Heim­ild­ar­innar má sjá slá­andi við­tal við for­eldra níu ára fatl­aðrar stúlku sem fór í sum­ar­búð­irnar í Reykja­dal síð­ast­liðið sumar. Þar varð hún fyrir kyn­ferð­is­broti af hendi starfs­manns sum­ar­búð­anna sem sjálfur með mikla fötlun og þroska­skerð­ingu en hann kom inn í gegnum sér­úr­ræði á milli Átaks og Styrkt­ar­fé­lags lamaðra og fatl­aðra og átti að sinna dýrum og úti­verkum. Segir í Heim­ild­inni að þegar kom að brott­fara­deg­inum hafi for­eldrar hennar átt að sækja hana klukkan fjögur. „Hún var til­búin um tvöleytið, starfs­maður var búinn að aðstoða hana við að pakka ofan í tösku og fór síðan fram til að hjálpa öðru barni, ann­ars staðar í hús­inu,“ sagði fað­ir­inn í við­tal­inu og hélt áfram. „Á meðan var hún ein inni í her­berg­inu, þar sem hún stendur og horfir út um glugg­ann, kemur starfs­maður inn og brýtur á henni. Án þess að fara í smá­at­riði þá fór hann inn á hana, snerti hennar einka­staði og færði hana upp í rúm. Það er það sem við vitum. Hann lok­aði dyr­unum svo eng­inn kæmi inn, þannig að brota­vilj­inn var aug­ljós. Þegar aðrir starfs­menn sjá að dyrnar eru lok­aðar, sem ekki má í Reykja­dal, fara þeir tveir inn í her­bergið þar sem þeir koma að honum. Þá kom flótti á starfs­mann­inn sem hleypur í burtu og hinir sjá auð­vitað að það er ekki allt í lagi, spyrja dóttur okkar út í það og hún segir þeim sem var.“

Skýrsla frá Gæða- og eft­ir­lits­stofnun vel­ferða­mála styður atvika­lýs­ing­una en þar er hins vegar ekki talað um stað­fest brot, heldur um grun um kyn­ferð­is­of­beldi, þar sem mað­ur­inn hefur ekki hlotið dóm. Segir fað­ir­inn að tíma­setn­ingin hafi alltaf staðið í sér. „Við héldum upp­haf­lega að það ætti að sækja hana klukkan eitt og vorum til­búin. Svo kom í ljós að það var ekki fyrr en fjögur. ég hef margoft hugsað um það, ef við hefðum farið klukkan eitt stæðum við ekki í þessum sporum.“

Fram kemur í Heim­ild­inni að starfs­maður sum­ar­búð­anna hafi sagt hjón­unum að fram­kvæmda­stjóri Styrkt­ar­fé­lags lamaðra og fatl­aðra hefði ráðið starfs­fólk­inu frá því að hringja í lög­regl­una. Þegar hjónin spurðu fram­kvæmd­ar­stjór­ann um þetta á fundi gaf hann þá skýr­ingu að hann hefði fyrst þurft að hringja nokkur sím­töl til að fá leið­bein­ingu. „Í því sam­hengi kom fram að það voru engir verk­ferlar eða við­bragðs­á­ætlun til að taka á svona málum.“ Voru hjónin mjög óánægð eftir fund­inn og sögð­ust hafa farið út af honum í enn meira áfalli en áður.

Viðtalið má lesa í heild sinni í blaði Heim­ild­ar­innar.