Gagnrýnir orðaval Heimildarinnar: „Ég veit ekki betur en lygi sé bara lygi“

Dr. Sigríður Björk Þormar, hjúkr­un­ar­fræð­ingur, gagn­rýnir harð­lega yfir­lýs­ingu rit­stjórnar Heim­ild­innar í ljósi ósann­inda Eddu Falak. Í færslu sinni á sam­fé­lags­miðl­inum Facebook ritar Dr. Sigríður:

„Ég er reið fyrir hönd þeirra sem hafa barist ötul­lega við að upp­ræta ofbeldi í sam­fé­lag­inu. Reið yfir því að ein­hver hafi skaðað trú­verð­ug­leika þeirra með þessum hætti og ætli svo bara að rétt­læta það. Ekki á minni vakt – takk.“

Færsla Dr. Sigríðar Bjarkar hefst á að útskýr­inu á hug­takin gas­lýs­ing og útskýrir hún að það séu til­raunir aðila til að afvega­leiða og neita stað­reyndum, og jafn­vel fá hinn aðil­ann til að trúa nýjum sann­leika:

„Í dag tek ég eftir orð­inu “Missögn” og því hvernig einn af helstu fjöl­miðlum lands­ins læðir því inn sem ein­hvers­konar nýrri útgáfu af rétt­læt­an­legum ósann­indum.“ Og vísar hún þar til ummæla og orða­val rit­stjórnar Heim­ild­ar­innar í yfir­lýs­ingu sem mið­il­inn sendi frá sér á dög­unum vegna fram­gang Eddu Falak. Brot úr yfir­lýs­ingu frá rit­stjórn Heim­ild­ar­innar:

„Edda hef­ur miðlað því til rit­stjórn­ar að hún hafi í við­töl­um fyr­ir tveim­ur árum ekki lýst með rétt­um hætti stöðu sinni gagn­vart til­tekn­um fyr­ir­tækj­um á sviði fjár­mála þegar hún bjó í Dan­mörku og stund­aði nám við Copen­hagen Bus­iness School árin áður. Hún biðst vel­v­irð­ing­ar á mis­sögn­inni.“

Lygi er bara lygi

„Ég veit ekki betur en lygi sé bara lygi sama hver starfs­vett­vangur manns er. Lygi vísar til heið­ar­leika og þar með trú­verð­ug­leika. Það er til dæmis metið grafal­var­legt að bera ljúg­vitni og kom­ist slíkt upp fylgja því afleið­ingar og allt sem mann­eskjan bar vitni um er ómark­tækt,“ segir Dr. Sigríður Björk og bendir þar á að trú­verð­ug­leiki þess sem sé gerður upp­vís um lygar sé þerr­aður.

Að end­ingu skrifar Dr. Sigríður Björk Þormar:

„Við höldum áfram að vinna að betri heimi, heil­brigð­ari sam­skiptum og drögum úr öllu ofbeldi – að ógleymdum sam­fé­lags­miðlum. En gerum það með sann­leika, gagn­rýna hugsun og heið­ar­leika að leið­ar­ljósi. Það má ekki vera þannig að okkur sé sama hvernig við náum árangri í rétt­inda­málum. Hver erum við ef við erum farin að rétt­læta óheið­ar­leik­ann?“

Hér að neðan má sjá færsl­una í heild:

Mynd/Skjáskot Facebook