Sigmundur Davíð ver skipun Karls Gauta: „Lætur ekki dómstóla götunnar slá sig út af laginu“

Sig­mundur Davíð Gunn­laugs­son ver skipun dóms­mála­ráð­herra á lög­reglu­stjóra í Vest­manna­eyjum í nýrri Facebook færslu.

Lítið hefur heyrst frá Sigmundi Davíð, for­manni Mið­flokks­ins varð­andi ráðn­ingu Jón Gunn­ars­sonar dóms­mála­ráð­herra í stöðu lög­reglu­stjóra í Vest­manna­eyjum, þar til nú. Eins og þekkt er orðið var Karl Gauti Hjalta­son, fyrrum þing­maður Mið­flokks­ins ráð­inn í starfið en skip­unin vakti reiði margra, meðal ann­ars bæj­ar­stjóra Vest­manna­eyja, Íris Róberts­dóttir. Ástæðan er sú að Karl Gauti var, ásamt Sigmundi Davíð og fleiri þing­mönnum Flokks fólks­ins og Mið­flokks­ins, teknir upp á síma tala illa um kven­menn, þar á meðal Írisi bæj­ar­stjóra, á Klaust­ur­bar fyrir nokkrum árum.

„Ég óska Karli Gauta Hjalta­syni til ham­ingju með að hafa verið skip­aður lög­reglu­stjóri í Vest­manna­eyjum og ekki síður Vest­manna­ey­ingum til ham­ingju með frá­bæran lög­reglu­stjóra,“ byrjar Sig­mundur Davíð á að skrifa í færslu sem hann birti í gær á Facebook-síðu sinni. Segi hann að Karl Gauti hafi verið met­inn hæf­astur vegna „reynslu sinnar og þekk­ingar“. Bætir Sig­mundur við: „Per­sónu­legir kostir hans eru ekki síður mik­il­vægir.“ For­sæt­is­ráð­herr­ann fyrr­ver­andi sparar svo ekki hólin, segir Karl Gauta „ein­dreg­inn rétt­ar­rík­is­sinna“ og „prinsipp­mann“ sem láti ekk­ert „slá sig út af lag­inu við að verja rétt­lætið.“

Færsluna má lesa hér að neðan.

„Ég óska Karli Gauta Hjalta­syni til ham­ingju með að hafa verið skip­aður lög­reglu­stjóri í Vest­manna­eyjum og ekki síður Vest­manna­ey­ingum til ham­ingju með frá­bæran lög­reglu­stjóra.

Karl Gauti var met­inn hæf­astur vegna reynslu sinnar og þekk­ingar en per­sónu­legir kostir hans eru ekki síður mik­il­vægir. Karl Gauti er ein­dreg­inn rétt­ar­rík­is­sinni, prinsipp­maður sem lætur ekki sveiflur tíð­ar­and­ans, dóm­stóla göt­unnar eða per­sónu­legar skoð­anir slá sig út af lag­inu við að verja rétt­lætið.Það er mik­il­vægt að hafa slíka menn í lög­gæslu ekki hvað síst nú þegar sumir telja eðli­legt að eitt gildi fyrir sjálfa sig og aðra þókn­an­lega en annað fyrir hina. Á tímum slauf­un­ar­menn­ingar þegar hópar telja að með­limir eigin hóps séu alltaf sak­lausir en hinir alltaf sekir. Á tímum þegar sumir telja jafn­vel í lagi að refsa fórn­ar­lömbum alvar­legra glæpa út í hið óend­an­lega fyrir það eitt að vera ekki í réttu liði.Í fyrri lög­reglu­störfum var Karl Gauti þekktur fyrir að reyna að hjálpa raun­veru­legum afbrota­mönnum við að bæta ráð sitt og ávallt minn­ugur þess að allir eru jafn­rétt­háir sama hvaða hópi þeir til­heyra.Þannig fólk þurfum við hvort sem það starfar í rétt­ar­kerf­inu eða í stjórn­málum.