Stjórnmálamaðurinn Logi Einarsson, sendir vini sínum og fyrrum samherja í hljómsveitinni Skriðjöklum, Ragnari Gunnarssyni – Ragga Sót – skemmtilega afmæliskveðju.
„Vinur minn Raggi Sót á stórafmæli í dag. Hann er með allra skemmtilegustu mönnun og ég hefði gjarnan viljað lyfta með honum einni hestaskál í tilefni dagsins en það verður ekki þar sem hann flúði athyglina til útlanda með Guðbjörgu sinni.“
Logi bætir þessu við:
„Raggi er ekki bara orðheppinn og fyndinn, hann er líka djúpur heimspekingur, þegar sá gállinn er á honum.“
Logi segir skemmtilega frá því þegar Raggi stundaði nám og var lítt áhugasamur.
„Þegar hann var yngri stundaði nám í Iðnskólanum á Akureyri og það kom í hlut tengdapabba, Sigurðar Óla, að kenna honum stærðfræði. Á þessu áhyggjulausa æviskeiði lífsins var hugur Ragga gjarnan víðsfjarri náminu og einhverju sinni misbauð tengdapabba hyskni piltsins og sagði hann latann. Raggi svaraði á svipstundu:
„Það má vel vera Sigurður Óli, en það er betra að vera latur og nenna því en að vera duglegur og nenna því ekki.“
Kæri vinur, til hamingju með daginn og takk fyrir áratuga samneyti og vinskap!“
Athugasemdir