Ragnar segir Jódísi þingkona stunda öfuguggahátt: „Láttu annara manna börn í friði“

Jódís Skúla­dóttir, þing­maður VG varð fyrir leið­indum eftir að hafa tjáð sig um hinsegin fræðslu.

Jódís var ekk­ert að hika og birti skila­boð manns­ins, sem heitir Ragnar Þórisson.

Hún rit­aði færslu á Facebook og birtir um leið skila­boðin.

Jódís seg­ist fagna því að Múlaþing skrif­aði á dög­unum undir samn­ing við Samtökin 78 um hinsegin fræðslu; telur hún að ekki sé van­þörf á því ef orð­ræðan sé á þessum nótum.

„Mér varð það á að blanda mér í umræðu um hinseg­in­fræðslu. Múlaþing skrif­aði á dög­unum undir samn­ing við Samtökin ’78 um hinsegin fræðslu og fagna ég því. Í sam­fé­lagi þar sem orð­ræðan er með þessum hætti held ég að ekki sé van­þörf á.“

Hún segir varð­andi skila­boðin frá Ragnari að „svona blamner­ingar eru ástæða þess að leið mín að sjálfs­virð­ingu og sátt í eigin skinni var löng og grýtt. Það að hinsegin börn og ung­menni þurfi enn að sitja undir svona við­horfum er alvar­leg stað­reynd.“

Segir að end­ingu:

„Við Ragnar Thor­is­son vil ég segja: Ef þú vilt vera smá­menni eða for­dóma­fullur og illa upp­lýstur for­rétt­inda­karl, gerðu það þá heima hjá þér, það er öllum sama um það. En láttu ann­ara manna börn í friði og ekki troða for­dómum þínum upp á aðra.“