Þurfti að bíða í 70 mínútur eftir svari hjá Arion banka: „Velkomin í alræði auðvaldsins“

Sós­í­alista­for­ing­inn Gunnar Smári Egilsson hneiksl­ast á sím­svörun Arion banka. Þurfti að bíða í 70 mín­útur eftir svari við ein­faldri spurn­ingu.

Gunnar Smári sagði frá því nýlega á Facebook að hann væri í sím­anum að bíða eftir að fá að tala við þjón­ustu­full­trúa Arion banka. Var hann er hann skrif­aði færsl­una, búinn að bíða í sím­anum í 20 mín­útur og fær­ast úr sæti 14 í röð­inni og niður í það tíunda. Með ein­faldri reikni­for­múlu fann hann út að sím­talið myndi því taka 70 mín­útur.

„Á 20 mín­útum hefur mér tek­ist að vinna mig úr því að vera númer fjórtán í röð­inni meðal þeirra sem eru að reyna að ná sam­bandi við Arion banka niður í að vera númer 10 í röð­inni. Það er þá um 5 mín­útur að þok­ast upp um eitt sæti. Þetta sím­tal mun verða 70 mín­útur. Þá mun þjón­ustu­ráð­gjafi svari ein­faldri spurn­ingu minni.“

Hann hélt svo áfram og gagn­rýndi bank­ana harð­lega.

„Bank­arnir rukka við­skipta­vini um þjón­ustu­gjöld á hverra færslu, hvert við­vik, auk þess sem þeir rukka sví­virði­lega vexti af útlánum en gefa nán­ast enga vexti á inni­stæður. Þeir eru reknir með tug millj­arða króna hagn­aði ár hvert, sam­an­lagt með um 6-7 millj­arða króna hagn­aði í hverjum mán­uði. Án þess að ráða við svo ein­faldan hlut sem sím­svörun er.Velkomin í alræði auð­valds­ins, ráð­stjórn­ar­ríki nýfrjáls­hyggj­unnar þar sem við­skipta­ráð er æðsta ráðið.“