Pottakarlarnir sloppnir frá Vítalíu: „Atburðarásin hefur verið erfið og á köflum fjarstæðukennd“

Hregg­viður Jónsson stað­festir að Hér­aðs­sak­sókn­ari hafi ákveðið að hætta rann­sókn vegna kæru Vítalíu Lazarevu á hendur honum og þremur öðrum.

Vítalía kærði Hreggvið, Þórð Má Jóhann­es­son og Ara Edwald fyrir kyn­ferð­is­brot sem átti að hafa átt sér stað í heitum potti í sum­ar­búð­stað árið 2020. Nú hefur kæran sem sagt verið felld niður. Kemur þetta fram í frétt Rúv.

Í yfir­lýs­ingu sem Hregg­viður sendi fjöl­miðlum segir hann atburða­rás síð­ustu mán­aða hafi verið erf­iða og á köflum fjar­stæðu­kennda. Lesa má yfir­lýs­ing­una hér fyrir neðan.

„Ég get stað­fest að Hér­aðs­sak­sókn­ari hefur tekið ákvörðun um að hætta rann­sókn vegna kæru Vitaliu Lazarevu á hendur mér.

Sú nið­ur­staða kemur mér ekki á óvart enda hef ég frá upp­hafi sagt að ég hafi ekki gerst brot­legur við lög. Ég mun ætíð sjá eftir því að hafa ekki stigið út úr umræddum aðstæðum en líkt og fram hefur komið þá var frum­kvæðið þeirra tveggja, Arnars Grants og Vitaliu.

Atburða­rás síð­ustu mán­aða hefur verið erfið og á köflum fjar­stæðu­kennd. Afleið­ing­arnar af þessu máli hafa verið miklar, ekki síður fyrir þau sjálf, en einnig marga aðra. Þetta mál hefur tekið mikið á mig og fjöl­skyldu mína og það er því léttir að því sé lokið.“

Vítalía sagði í sam­tali við Mannlíf að hún hyggð­ist kæra ákvörðun hér­aðs­sak­sókn­ara til rík­is­sak­sókn­ara, vegna þess að það hafi vantað gögn í mál­inu svo dæmi séu tekin en vís­aði á Kolbrúnu Garð­ars­dóttur, rétt­ar­gæslu­mann hennar, um frek­ari upp­lýs­ingar.