„Tilefnið er samskipti fréttastjórans við undirmann sem ekki uppfylla faglegar kröfur“

Kenn­ar­inn og blogg­ar­inn Páll Vil­hjálms­son skrifar um RÚV í nýjum pistli á blogg­síðu sinni. Hann gefur ýmis­legt í skyn varð­andi inn­an­búð­ar­mál á RÚV og vegur harka­lega að útvarps­stjóra og frétta­stjóra stofn­un­ar­innar með ásök­unum um brot á siða­reglum.

„Stefán Eiríks­son útvarps­stjóri leitar til gam­al­reyndra frétta­manna að leysa vanda vegna Heiðars Arnar Sig­ur­vins­sonar frétta­stjóra. Málið er það heitt að aðeins inn­vígðum er treyst að höndla með efn­is­at­riði. Nöfn Arnars Páls Hauks­sonar og Brodda Brodda­sonar eru nefnd í ráð­gjafa­hlut­verki. Báðir fyrrum frétta­menn RÚV.“

Blogg­ar­inn bætir við:

„Heiðar Örn sést lítið á skjánum síð­ustu vik­urnar. Tilefnið er sam­skipti frétta­stjór­ans við und­ir­mann sem ekki upp­fylla fag­legar kröfur. Inn í málið bland­ast stöðu­veit­ing innan RÚV, ófag­leg að sama skapi. Heiðar Örn var beggja vegna borðs­ins og aðeins öðru megin í hlut­verki frétta­stjóra.

Fyrir er Stefán útvarps­stjóri með á sinni könnu byrl­unar- og síma­stulds­málið. Lög­reglu­rann­sókn stendur yfir. Allt bendir til að mið­stöð skipu­lags á byrlun og gagna­stuldi sé á Efsta­leiti.

Þrír starfs­menn, Rakel Þor­bergs­dóttir frétta­stjóri, Helgi Seljan og Þóra Arn­órs­dóttir hafa með svip­legum hætti látið af störfum eftir að lög­reglu­rann­sókn hófst.“

Nefnir að „Heiðar Örn tók við stöðu frétta­stjóra eftir að Rakel hætti. Frétta­stjór­inn hefur komið fram fyrir hönd RÚV sem siða­post­uli. Hann gagn­rýndi að Samherji nýtti sér efni frá RÚV, sagði ljótt að stela. Þá gat Heiðar Örn sér orð fyrir sið­ferð­is­grein­ingu á afsök­un­ar­beiðni Samherja. Eft­ir­vænt­ing ríkir eftir stílnum á afsökun frétta­stjóra.“

Páll spyr líka:

„Spurt verður hvort yfir­menn á rík­is­fjöl­miðl­inum séu hafnir yfir það stíga til hliðar er mál skip­ast með þeim hætti að staða þeirra sé óverj­andi. Gömlu fjöl­miðla­kemp­urnar Arnar Páll og Broddi munu hafa verið kall­aðir til skrafs og ráða­gerða í máli Heiðars Arnar.

Í byrl­unar- og síma­stulds­mál­inu nýtti Stefán sér almanna­tengla af ætt utan­búð­ar­manna. Í þessu máli þykir það ekki óhætt. Inn­an­búð­ar­fólki er betur treystandi í Heið­ars­málum Arnar sem á með öllum ráðum að halda innan veggja rík­is­fjöl­mið­ils­ins og láta ekki frétt­ast. Til þessa hefur ekk­ert ratað í fréttir. Enginn fjöl­mið­ill fjallar um næst heitasta frétta­málið á eftir byrl­unar- og síma­stulds­mál­inu.“

Hann lýkur færslu sinni á þessum orðum:

„RÚV er ris­inn á fjöl­miðla­mark­aði. Blaða­menn sem styggja yfir­valdið eiga á hættu atvinnu­bann á Efsta­leiti. Það skerðir afkomu­mögu­leika. Útvarps­stjóri er í veru­legri klípu. Um ára­mót rennur út sam­starfs­samn­ingur RÚV og rík­is­ins. Stefán situr uppi með sak­born­inga og afhjúpaðan siða­post­ula þegar hann sest að samn­inga­borð­inu and­spænis Lilju ráð­herra í haust. Verði Stefán enn útvarps­stjóri.“

Mannlíf hefur sent Stefáni Eiríks­syni útvarps­stjóra fyr­ir­spurn varð­andi umrædda stöðu­veit­ingu á Akureyri. Áður hafði Stefán þver­tekið fyrir það að frétta­stjór­inn hefði verið sendur í leyfi vegna umræddrar stöðu­veit­ingar.