Andri Snær furðar sig á rakaskemmdum í MS: „Hefur verið sett upp rannsóknarnefnd byggingarslysa?“

Andri Snær Magnason furðar sig á skemmdum í nýbygg­ingum í nýrri Twitter-færslu.

Fram kom í fréttum í gær að raka­skemmdir hafi fund­ist í Mennta­skól­anum við Sund og þarf að loka tveimur svæðum bygg­ing­ar­innar. Andri Snær spurði á Twitter í gær hvort ekki þurfi að setja upp „rann­sókn­ar­nefnd bygg­ing­ar­slysa“.

„Hefur verið sett upp rann­sókn­ar­nefnd bygg­ing­ar­slysa, sbr. sjó­próf og rann­sókn­ar­nefnd flug og umferð­ar­slysa, trekk í trekk eru glæný hús upp á millj­arða nán­ast ónýt frá upp­hafi.“

Fólk hefur svarað Andra í athuga­semdum og benda meðal ann­ars á raka­skynjara sem hægt er að setja á hús en Andri bendir á fleiri nýbygg­ingar sem skemmst hafa vegna raka.

„Nýr Voga­skóli er núna lok­aður og hluti MS rýmdur. Svo Orku­veitu­húsið. Menn segja að flug í heim­inum verði örugg­ara með hverju flug­slysi. Eru menn að end­ur­taka sömu mis­tökin aftur og aftur í þessum bygg­ingum?“