Áður talin saklaus veira ræðst á hjarta nýfæddra barna:„Hefur smitast á fyrsta sólahring lífs síns“

Alþjóða­heil­brigð­is­stofn­unin segir vera aukn­ingu í til­fellum alva­legrar hjarta­vöðva­bólgu í unga­börnum. Á tíma­bil­inu frá júní í fyrra til mars á þessu ári hafa 15 börn í Bret­landi hafi greinst með sjúk­dóm­inn. Eitt barn hefur lát­ist og átta önnur voru á bráða­deild í önd­un­ar­vél.

Af þeim börnum sem greind voru með hjarta­vöðva­bólgu fannst enter­ovírus í níu þeirra. Vírusinn er í flestum til­fellum skað­laus en getur valdið mörgum mis­mun­andi ein­kennum. Oftast eru þetta þó flensu­lík ein­kenni. Á fyrstu vikum í lífi barns getur vírsu­inn þó verið alvar­legur. Í Wales greindust tíu börn með vírus­inn og hjarta­vöðva­bólgu. Þau voru öll undir mán­að­ar­gömul og eitt þeirra lést.
Rannsókn er hafin á þess­ari aukn­ingu til­fella en eng­inn veit hvers vegna þetta ger­ist. Joann og Christian eru for­eldrar barns­ins sem lést úr sjúk­dómnum en hann var aðeins tólf daga gam­all. Þau segja son sinn hafa verið veik­burða og virt­ist vera með harð­lífi. Læknar sögðu ein­kennin vera vegna gulu. Þegar hann var viku­gam­all hætti hann að nær­ast. For­eldr­arnir fóru með hann á bráða­deild þar sem hann var greindur fyrst greindur með blóð­eitrun en því síðar breitt í barka­bólgu. Hann var færður á annað sjúkra­hús þar sem í ljós kom að dreng­ur­inn var með hjart­slátt­ar­trufl­anir. Aftur var hann færður og þá kom í ljós enter­ovírus og þeim sagt að veiran væri gjörn á að ráð­ast á hjartað í nýfæddum börnum. „Okkur var sagt að hann hafi lík­lega smit­ast á fyrsta sóla­hring lífs síns. Ég hafði aldrei heyrt um þetta áður. Við höfum ekki ennþá fengið skýr svör.“ sagði móðir drengs­ins