Einar boðar sólríkt og hlýtt sumar: „Hægari vindar og sólin ætti að fara að láta sjá sig“

Einar Svein­björns­son veð­ur­fræð­ingur segir að lang­tíma­spár bendi til þess að það muni hlýna um mán­aða­mótin; að fátt bendi til ann­ars en að sum­arið á Íslandi verði gott. Og það er gott.

„Við sjáum að um mán­aða­mótin að hér er að byggj­ast upp háþrýsti­svæði í stað­inn fyrir föru­lægðir er ein­kennt hafa veðr­átt­una síð­ustu tvær vik­urnar; þetta háþrýsti­svæði verður ein­kenn­andi hér á Norður-Atl­ants­hafi,“ sagði Einar á Rás 2 í morgun.

Veðrið er að batna; hlý­indi framundan.

Einar hefur rýnt í lang­tíma­spár; segir þær benda til þess að sólin og sum­arið láti sjá sig fljót­lega.

„Það verða hæg­ari vindar og sólin ætti að fara að láta sjá sig sunnan- og vest­an­lands; það hefur verið lítið um sól­skin hér – allt annað verið upp á ten­ingnum bæði fyrir norðan og austan. Um miðjan mán­uð­inn rýndi ég í lang­tíma­spá fyrir sum­arið; þar kom fram ekk­ert sem hefur breytt þeirri for­sendu að fyrri hluti sum­ars­ins gæti orðið hag­felldur með þessum háa þrýst­ingi og almennt hita yfir með­al­lagi.“