Grútarmengun á Eskifirði líklegast af mannavöldum

Allar líkur benda til þess að grút­ar­mengun sem varð á Eski­firði á þriðju­dags­kvöld, hafi orðið til vegna mann­legra mis­taka.

Aust­ur­frétt segir að það sé mat Hauks Jóns­sonar, verk­stjóra hjá útgerð­ar­fyr­ir­tæk­inu Eskju en böndin bár­ust fljót­lega að Eskju er langir taumar af lýs­is­grút sáust víða í sjónum og í fjörum fjarð­ar­ins.

„Það kom í ljós að það voru menn að störfum í fiski­mjöls­verk­smiðj­unni að reyna að losa nokkra stíflaða krana en það gekk eitt­hvað brös­ug­lega og það náð­ist ekki að klára áður en þeir hættu svo að vinna síð­degis á þriðju­dag. Það var svona skol­vatn í tanka og mér finnst lík­legt að það hafi bara losnað eftir að þeir fóru af staðnum. Það er svona mín skoðun að þetta gæti hafi verið ástæðan fyrir þessu.“

Um leið og meng­un­ar­innar varð vart, sendi Haukur hreins­un­ar­flokk af stað en mest var um grút í Mjó­eyr­ar­fjöru en tókst að hreinsa það sam­dæg­urs.

„Við erum búnir að fara aftur þangað í dag og taka stöð­una og þar hefur ekk­ert bæst við sem betur fer. Það er verk­taki á okkar vegum að fara yfir fjör­urnar og tekur það sem hægt er að taka með góðu móti en eitt­hvað er eftir ennþá og spáin á morgun lofar ekki góðu til að halda áfram. En við reynum okkar besta og erum að fylgj­ast vel með,“ sagði Haukur í sam­tali við Aust­ur­frétt á föstu­dag­inn.