Eftirlitsmaður segir 900 kindur komist fyrir á Höfða:„Sem sé líka í bílaboddíum og kartöflukofanum“

Steinunn Árna­dóttir kom með upp­færslu af „Hryll­ingnum á höfða“ eins og hún kallar bónda­bæ­inn Höfða í Borg­ar­firði en bænd­urnir á bænum hafa verið sak­aðir um slæma með­ferð á sauðfé á bænum.

Dýra­vernd­ar­sinn­inn og org­el­leik­ar­inn Steinunn Árna­dóttir er óþreyt­andi sem fyrr í að benda á illa með­ferð á dýrum og að því er virð­ist sinnu­leysi stjórn­valda í þeim mála­flokki. Und­an­farnar vikur hefur hún bent á sauðfé frá bænum Höfða í Borg­ar­firði sem er á ver­gangi í sveit­inni, um 1200 tals­ins en sam­kvæmt heim­ild­ar­manni sem Mannlíf tal­aði við um dag­inn kom­ast ekki nema 300 kindur fyrir í fjár­húsi bæj­ar­ins þó bænd­urnir þar segi það ósatt, þær kom­ist allar þar fyrir.

Í nýrri Facebook-færslu segir Steinunn að Búfjár­eft­ir­lits­maður Vest­ur­lands sé „búinn að vera á fjórum fótum að reikna út hversu mörg horuð grey kæmust hugs­an­lega fyrir í húsa­kosti Hryll­ings­ins.“ Segir hún að nið­ur­staðan sé sú að 900 kindur eigi að kom­ast þar fyrir. „Sem sé líka í bílabodd­íum og kart­öflu­kof­anum.“ Steinunn skýtur föstum skotum á sveita­stjóra og sveita­stjórn Borg­ar­byggðar og segir „höldum því áfram ró okkar. Ekkert er að fara að breyt­ast.“

Færsluna má lesa hér að neðan.

„Framhald af Hryll­ingnum á höfða

Svona til umhugs­unar:Á bænum er sann­ar­lega fleira fé en húsa­skjól er fyrir.Góðu frétt­irnar eru þær að Búfjár­eft­ir­lits­maður Vest­ur­lands er búinn að vera á fjórum fótum að reikna út hversu mörg horuð grey kæmust hugs­an­lega fyrir í húsa­kosti Hryll­ings­ins.Jú, talan er 900 stk. Sem sé líka í bílabodd­íum og kart­öflu­kof­anum.Og ef reikn­isnill­ing­ur­inn færi að rýja (taka ull­ina af) með búskuss­unum þá kom­ast kannski allar kind­urnar inn í húsa­skjól.Þær eru nefni­lega alveg sér­stak­lega grannar. En það er örugg­leg ekk­ert verra. Kjötið er blátt af fitu­leysi og allir græða. Enginn verður feitur af að éta það og við þurfum ekki í maga­minnkun.Ég er viss um að sveit­ar­stjóri og sveit­ar­stjórn vilji hjálpa til því sam­kvæmt sam­þykktum sveit­ar­fé­lags­ins 8.gr (

https://www.borgarbyggd.is/…/Umhverf…/b_nr_1732_2021.pdf

) má ekki vera með fleira fé en rúm­ast í húsa­kosti bæj­ar­ins.Höldum því áfram ró okkar. Ekkert er að fara að breyt­ast.Mat­væla­stofnun og sveit­ar­stjórn Borg­ar­byggðar geta haldið áfram að fara EKKI eftir lögum um vel­ferð dýra.Dýra­níð­ingnum er klappað á kinn­ina og að honum er hvíslað:Haltu áfram !“