Háskólinn vill fá Kristján aftur til starfa: „Kannski var ég rekinn vegna misskilnings“

Háskóli Íslands vill fá Kristján Hreins­son aftur til starfa. Hann segir mál­inu ekki lokið.

Skerja­fjarða­skáldið Kristján Hreins­son skrif­aði færslu í dag á Facebook þar sem hann upp­ljóstar um það að End­ur­menntun Háskóla Íslands hafi boðið Krist­jáni aftur boð hjá stofn­un­inni eftir að hafa sagt honum upp í síð­ustu viku í kjöl­far pistils sem hann skrif­aði. Pistill­inn vakti mikla reiði í sam­fé­lag­inu en skáldið segir fólk hafa mis­skilið pistlinn, hann hafi einmitt verið að taka upp hansk­ann fyrir Trans­fólk, ekki öfugt. Í færsl­unni segir hann að mál­inu sé ekki lokið en Kristján ætlar í mál við Háskól­ann. Færsluna má lesa hér:

„End­ur­menntun Háskóla Íslands hefur boðið mér að kenna áfram hjá stofn­un­inni. Margt bendir til þess að lát­unum linni innan tíðar. Enda vill svo ein­kenni­lega til, að ég skrif­aði pistil sem fólk náði að mis­skilja. Það má þó öllum ljóst vera að pist­ill minn fjallar um umræðu á villi­götum. Hið merki­lega er að pist­ill minn náði að sanna hversu afvega­leidd umræðan er. Nú hefur einn angi umræð­unnar farið í hring. Ég var rek­inn og ráð­inn aftur. Kannski var ég rek­inn vegna mis­skiln­ings. Vonandi er engin rang­túlkun fólgin í því að ráða mig aftur.

Ég vil þó að þeir sem lesa þetta hafi það full­kom­lega á hreinu að máli þessu er ekki lokið. Það eru enn ýmsir lausir endar og þá enda mun lög­maður minn vænt­an­lega setja saman í vand­aðan vöndul ef mér skjöplast ekki.“